Вячаслаў Міхайлавіч Шырокаў

Вячаслаў Міхайлавіч Шырокаў
руск.: Вячеслав Михайлович Широков
Дата нараджэння	14 лютага 1929(1929-02-14)
Месца нараджэння	Ульянаўск, Сярэдне-Волжская вобласць[d], РСФСР, СССР
Дата смерці	1994(1994)
Грамадзянства	СССР
Навуковая сфера	гідралогія
Месца працы	Сібірскі навукова-даследчы інстытут энергетыкі[d] Іркуцкі дзяржаўны ўніверсітэт[d] БДУ
Навуковая ступень	доктар геаграфічных навук
Навуковае званне	прафесар
Альма-матар	Казанскі ўніверсітэт (1956)

Вячаслаў Міхайлавіч Шыро́каў^[1] (руск.: Вячеслав Михайлович Широков; 14 лютага 1929, Ульянаўск — 1994) — вучоны ў галіне гідралогіі, доктар геаграфічных навук (1973), прафесар (1975).

Нарадзіўся ў горадзе Ульянаўск (зараз у Расіі). У 1956 годзе скончыў Казанскі ўніверсітэт і працаваў у горадзе Тальяці, дзе ўзначальваў лабараторыю па вывучэнню берагоў і ложа вадасховішчаў Камсамольскай навукова-даследчай гідраметэаралагічнай абсерваторыі^[2]. У 1964 годзе абараніў кандыдацкую дысертацыю на тэму «Формирование подводного рельефа Куйбышевского водохранилища» і пачаў працаваць старэйшым навуковым супрацоўнікам, загадчыкам лабараторыяй гідралогіі вадасховішчаў у Сібірскім навукова-даследчым інстытуце энергетыкі Міністэрства энергетыкі СССР^[2]. Адначасова выкладаў у Іркуцкім дзяржаўным універсітэце і іншых навучальных установах Сібіры^[2]. У 1972 годзе абараніў доктарскую дысертацыю на тэму «Формирование берегов и ложа крупных водохранилищ Сибири».

З 1974 года В. М. Шырокаў у Мінску, займае пасаду загадчыка створаным пад яго кіраўніцтвам аддзелам эксплуатацыі вадасховішчаў Цэнтральнага навукова-даследчага інстытута комплекснага выкарыстання прыродных рэсурсаў. З 1977 года прафесар кафедры агульнага земляробства геаграфічнага факультэта Беларускага дзяржаўнага ўніверсітэта.

Навуковая дзейнасць В. М. Шырокава звязана з вывучэннем водных рэсурсаў, іх пераўтварэння, выкарыстання і аховы. Аўтар больш за 200 навуковых прац, у тым ліку падручнікаў і манаграфій. Пад яго кіраўніцтвам абаронены 12 кандыдацкіх дысертацый^[2].

Сярод апублікаванага:

• Водохозяйственный баланс бассейна Днепра. — Мн., 1980. (разам з А. М. Пянькоўскім і В. М. Плужнікавым);
• Основы географического прогнозирования, учебное пособие для студентов географических факультетов университетов — Минск: Вышэйшая школа, 1985. (разам з В. М. Трафімавым і В. С. Аношка);
• Конструктивная география рек: основы преобразования и природопользования / В. М. Широков. — Минск: Университетское, 1985. — 188, [1] с. : ил. — 945 экз.;
• Формирование малых водохранилищ гидроэлектростанций / В. М. Широков, П. С. Лопух. — Москва: Энергоатомиздат, 1986. — 142, [2] с.: рис., табл.;
• Формирование берегов малых водохранилищ лесной зоны: монография / В. М. Широков, П. С. Лопух, В. Е. Левкович. — СПб.: Гидрометеоиздат, 1992. — 161 с. — ISBN 5-286-00629-9

У 1976—1991 гадах В. М. Шырокаў быў членам секцыі вадасховішчаў Навуковага савета «Комплекснае выкарыстанне і ахова водных рэсурсаў» Дзяржаўнага камітэта па навуцы і тэхніцы Савета Міністраў СССР^[2]. Таксама быў навуковым рэдактарам шэрагу выданняў выдавецтва «Навука», намеснікам адказнага рэдактара часопіса «Вестник Белорусского университета имени В. И. Ленина. Серия 2»^[2].

• Шырокаў Вячаслаў Міхайлавіч // Беларуская энцыклапедыя: У 18 т. Т. 18. Кн. 2: Рэспубліка Беларусь / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 2. — 760 с. — 10 000 экз. — ISBN 985-11-0310-1. — ISBN 985-11-0295-4 (т. 18. Кн. 2).
• Шырокаў Вячаслаў Міхайлавіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 406. — 583 с., іл. — 10 000 экз.

• Широков, Вячеслав Михайлович (1929—1994) (руск.) // Нацыянальная бібліятэка Беларусі
• Лопух П. С., Иванов Д. Л., Власов Б. В. Вячеслав михайлович Широков: К 85-летию со дня рождения(недаступная спасылка) (руск.) // Беларускі дзяржаўны ўніверсітэт
• Шырокаў Вячаслаў Міхайлавіч на сайце анлайн-энцыклапедыі «Беларусь у асобах і падзеях»