Вячаслаў Станіслававіч Аўгусціновіч

Вячаслаў Станіслававіч Аўгусціновіч
Вячаслаў Станіслававіч Аўгусціновіч
Дата нараджэння	11 чэрвеня 1959 (65 гадоў)
Месца нараджэння	Замасце, Вішнеўскі сельсавет, Свірскі раён, Маладзечанская вобласць, БССР, СССР;
Грамадзянства	Беларусь;
Род дзейнасці	мастак
Жанр	пейзаж і партрэт
Вучоба	Беларускі дзяржаўны тэатральна-мастацкі інстытут (1986);
Мастацкі кірунак	рэалізм і поп-арт

Вячаслаў Станіслававіч Аўгусціновіч (нар. 11 чэрвеня 1959(1959-06-11), Замасце, Маладзечанская вобласць) — беларускі мастак.

Біяграфія

Пасля заканчэння ў 1974 годзе 8-мі класаў Заслаўскай сярэдняй школы год правучыўся ў Мінскім мастацкім вучылішчы^[1]. У 1978―1980 гадах служыў тэрміновую вайсковую службу ў Арміі (Мар’іна Горка). У 1986 годзе скончыў аддзяленне прамысловага мастацтва Беларускага тэатральна-мастацкага інстытута^[2]. Да сярэдзіны 1990-х працаваў мастаком на Мінскім мастацкім камбінаце.

Жыве ў Мінску.

Творчасць

Пасля сканчэння Беларускага тэатральна-мастацкага інстытута працаваў у галіне выяўленчай і мастацкай галаграфіі^[3]. Станам на 2025 год пераважна працуе ў станковым жывапісе ў жанрах карціны, пейзажа, партрэта.

З 1986 года ўдзельнічае ў рэспубліканскіх і міжнародных выстаўках, сярод якіх персанальная выстаўка ў Лілі (Францыя, 2011)^[3]^[4]. Работы мастака знаходзяцца ў прыватных калекцыях Германіі, Італіі, Польшчы, Кітая, Расіі і ЗША^[4].