Віктар Васілевіч Мікіта

Віктар Васілевіч Мікіта
Віктар Васілевіч Мікіта
Дата нараджэння	25 красавіка 1955 (70 гадоў)
Месца нараджэння	Гродна, Гродзенская вобласць, БССР, СССР;
Грамадзянства	БССР; Беларусь;
Род дзейнасці	графік
Месца працы	Беларуская дзяржаўная акадэмія мастацтваў; Інстытут сучасных ведаў імя А. М. Шырокава;
Жанр	тэматычная карціна, партрэт, пейзаж
Вучоба	Рэспубліканская школа-інтэрнат па музыцы і выяўленчым мастацтве імя І. В. Ахрэмчыка (1973); Беларускі дзяржаўны тэатральна-мастацкі інстытут (1976);
Мастацкі кірунак	рэалізм, сюррэалізм
Сайт	mikita.by
	Медыяфайлы на Вікісховішчы

Віктар Васілевіч Мікіта (25 красавіка 1955, Гродна) — беларускі мастак — графік і жывапісец, педагог.

Біяграфія

1966—1973 Рэспубліканская школа-інтэрнат па музыцы і выяўленчым мастацтве імя І. В. Ахрэмчыка.

1973—1976 Беларускі тэатральна-мастацкі інстытут, аддзяленне графікі. Вучыўся ў П. Свентахоўскага, В. Шаранговіча, А. Шэверава.

З 1976 бярэ ўдзел у мастацкіх выстаўках.

З 1981 член Саюзу мастакоў Беларусі, сябра творчай суполкі «Пагоня».

1981—1986 выкладаў на кафедры графікі Беларускага тэатральна-мастацкага інстытута.

2008 — 2015 выкладаў у Інстытуце сучасных ведаў імя Шырокава ў Мінску.

Творчасць

Працуе ў кніжнай, станкавай графіцы, камбінаванай тэхніцы і ў жывапісу. Ілюстраваў беларускія і замежныя кніжныя выданні. Творы выконвае ў камбінаванай тэхніцы і ў адметнай аўтарскай манеры, якая спалучае ў сабе сінтэз прыёмаў скульптуры (рэльефнасць паверхні), графікі (абмежаванасць і збліжанасць колераў) і жывапісу.

Браў удзел у замежных конкурсах графікі ў Грэцыі, Францыі, Эфіопіі, Польшчы, Балгарыі, Расіі, Украіне. Мае замежныя і беларускія дыпломы конкурсаў кніжнай графікі. Творам ўласцівыя рысы асацыятыўнасці, метафарычнасци, сімволіка-алегарычныя матывы.

Творы захоўваюцца ў Нацыянальным мастацкім музее, фондах Саюзу мастакоў Беларусі, Музеі сучаснага выяўленчага мастацтва, літаратурных музеях Якуба Коласа, Янкі Купалы, Доме-музеі Адама Міцкевіча, у Расійскай акадэміі мастацтваў, а таксама ў прыватных калекцыях замежжа.

Мастак супрацоўнічае з Міністэрствам сувязі і інфарматызацыі Беларусі, РУП «Белпошта» і выдавецкім цэнтрам «Марка», выконваючы арыгінал-макеты паштовых марак і мастацкіх капэрт.