Віктар Міхайлавіч Кільчыцкі

Віктар Міхайлавіч Кільчыцкі
Дата нараджэння	14 кастрычніка 1942(1942-10-14) (82 гады)
Месца нараджэння	Быхаў, Быхаўскі раён, Магілёўская вобласць, БССР, СССР
Грамадзянства	СССР  Украіна
Альма-матар	Усць-Каменагорскі будаўніча-дарожны інстытут[d] (1970)
Месца працы	Арэнбургграмадзянпраект[d] Магілёўграмадзянпраект Гомельграмадзянпраект[d] Усць-Каменагорскі будаўніча-дарожны інстытут[d] Чарнавіцкі нацыянальны ўніверсітэт імя Юрыя Фядзьковіча
Навуковае званне	дацэнт
Член у	Саюз архітэктараў СССР Беларускі саюз архітэктараў Нацыянальны саюз архітэктараў Украіны[d]
Узнагароды

Віктар Міхайлавіч Кільчыцкі (нар. 14 кастрычніка 1942, Быхаў, Магілёўская вобласць) — савецкі і ўкраінскі архітэктар. Заслужаны архітэктар Украіны (2006).

Скончыў Усць-Каменагорскі будаўніча-дарожны інстытут у 1970 годзе. Працаваў у Арэнбургграмадзянпраекце (1971—1975), кіраўніком групы архітэктараў, галоўным архітэктарам праектаў у Магілёўграмадзянпраекце (1975—1980), Гомельграмадзянпраекце^[1].

У 1982—1992 і 1997—2002 гадах працаваў у Галоўным упраўленні мостабудавання і архітэктуры Чарнавіцкай вобласці, у 1989—1992 гадах — намеснікам галоўнага архітэктара Чарнавіцкай вобласці, у 1997—2002 гадах — начальнік праектна-вытворчага і архітэктурна-планавага бюро. У 1992—1997 гадах — галоўны архітэктар інстытута «Чернівціархпроект». З 2009 года дацэнт кафедры будаўніцтва і архітэктуры Чарнавіцкага ўніверсітэта^[2].

Член Саюза архітэктараў СССР з 1977 года. Жыве ў Чарнаўцах^[1].

Асноўныя працы: Дом піянераў у Орску, генпланы раённых цэнтраў Ілек, Адамаўка, Дом Саветаў у Наватроіцку Арэнбургскай вобласці (1970—1975), жылы дом у Чэрыкаве Магілёўскай вобласці (1983)^[1], багажнае аддзяленне Магілёўскага вакзала (1985)^[3], будынак навукова-тэхнічнага аб’яднання (цяпер тэхнапарк) у Магілёве^[4].

Узнагароджаны дыпломам I ступені ВДНГ БССР.

Быў у шлюбе з украінскай актрысай Тамарай Арцёменка (1950—2021), з якой меў дачку Вольгу Кільчыцкую-Дудку, таксама актрысу.

• Кильчицкий Виктор Михайлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)