Віктар Пятровіч Таранцей

Віктар Пятровіч Таранцей
Віктар Пятровіч Таранцей
Дата нараджэння	6 сакавіка 1946 (79 гадоў)
Месца нараджэння	Ізабелін, Ізабелінскі сельсавет, Ваўкавыскі раён, Гродзенская вобласць, БССР, СССР;
Грамадзянства	СССР; Беларусь;
Род дзейнасці	выкладчык універсітэта, навуковец
Месца працы	Гродзенскі дзяржаўны ўніверсітэт імя Янкі Купалы;
Навуковая ступень	доктар педагагічных навук
Навуковае званне	член-карэспандэнт Беларускай акадэміі адукацыі[d]; прафесар;
Альма-матар	Гродзенскі педагагічны інстытут імя Янкі Купалы (1967);
Навуковы кіраўнік	Мікалай Капітонавіч Сцепаненкаў
Узнагароды

Віктар Пятровіч Таранце́й^[1] (нар. 6 сакавіка 1946, в. Ізабелін, Ваўкавыскі раён, Гродзенская вобласць) — беларускі вучоны. Доктар педагагічных навук, прафесар (1991). Член-карэспандэнт Беларускай акадэміі адукацыі і Акадэміі педагагічных і сацыяльных навук (Масква).

Біяграфія

Нарадзіўся 6 сакавіка 1946 года ў вёсцы Ізабелін Ваўкавыскага раёна Гродзенскай вобласці.

У 1963 годзе скончыў Ізабелінскую сярэднюю школу і паступіў на фізіка-матэматычны факультэт Гродзенскага педагагічнага інстытута, які скончыў у 1967 годзе.

У 1967—1976 гадах працаваў настаўнікам фізікі і намеснікам дырэктара ў Падароскай і Ізабелінскай школах Ваўкавыскага раёна Гродзенскай вобласці. У 1976 годзе паступіў на дзённае аддзяленне аспірантуры НДІ НДУ агульнай педагогікі Акадэміі педагагічных навук СССР, дзе да заканчэння тэрміну навучання абараніў кандыдацкую дысертацыю.

З 1979 года пачаў працаваць у Гродзенскім дзяржаўным універсітэце імя Янкі Купалы выкладчыкам, з 1979 года па 1986 год — сакратар парткама ВНУ, з 1982 года па кастрычнік 2006 года — загадчык кафедры педагогікі. У 1992 годзе прызначаны прарэктарам ГрДУ імя Янкі Купалы, у 1994 годзе пераведзены на пасаду дэкана факультэта псіхалогіі і педагогікі, з 1999 года — дэкан педагагічнага факультэта. З 1991 года — прафесар, з 2003 года — доктар педагагічных навук^[2].

Узнагароды

Нагрудны знак Міністэрства адукацыі Рэспублікі Беларусь «Выдатнік адукацыі» (2000),
ордэн Францыска Скарыны (2016)^[3].

Зноскі

Літаратура

Таранце́й Віктар Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 435. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

[FOOTNOTEБелЭн2002-1] БелЭн 2002.

[2] Выпускнікі ГрДУ — наш гонар

[3] Указ Прэзідэнта Рэспублікі Беларусь ад 24 чэрвеня 2016 года № 231 «Аб узнагароджанні»

[1]

[2]

[3]