Ізабелінскі сельсавет (Ваўкавыскі раён)

Ізабелінскі сельсавет
Краіна	Беларусь
Уваходзіць у	Ваўкавыскі раён
Уключае	16 населеных пунктаў
Адміністрацыйны цэнтр	Ізабелін
Дата ўтварэння	12 кастрычніка 1940
Насельніцтва (2019)	1 242
Плошча	86,17 км²
Часавы пояс	UTC+03:00
Код аўтам. нумароў	4

Ізабе́лінскі сельсавет — адміністрацыйна-тэрытарыяльная адзінка ў складзе Ваўкавыскага раёна Гродзенскай вобласці. Цэнтр — вёска Ізабелін.

Размешчаны ў паўднёва-ўсходняй частцы ад раённага цэнтра на плошчы 8617 га. Адміністрацыйны цэнтр — вёска Ізабелін — знаходзіцца на адлегласці ад Ваўкавыска на 10 км, ад Гродна на 100 км, ад бліжэйшай чыгуначнай станцыі Ваўкавыск — 12 км.

Утвораны 12 кастрычніка 1940 года ў складзе Ваўкавыскага раёна Беластоцкай вобласці БССР. З 20 верасня 1944 года ў складзе Гродзенскай вобласці. 23 чэрвеня 1980 года ў склад Ваўкавыскага сельсавета перададзены вёскі Аляксандраўка, Бакі, Бяляўшчына, Камяніца, Малая Лапеніца, Мітрані і хутар Азярыска^[1]. 16 сакавіка 1987 года ў склад сельсавета з Падароскага сельсавета перададзены вёскі Ельцаўшчына, Нізянкі, Нізяны і Паўлаўшчына^[2]. 29 мая 2018 года скасаваны хутар Сегянеўшчына^[3].

Насельніцтва сельсавета паводле перапісу 2009 года (17 населеных пунктаў) — 1679 чалавек^[4], з іх 77,4 % — беларусы, 14,5 % — палякі, 4,5 % — рускія, 1,8 % — украінцы^[5]; паводле перапісу 2019 года (16 населеных пунктаў) — 1242 чалавекі^[6].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.