Віктар Яўгенавіч Старжынскі

Віктар Яўгенавіч Старжынскі
Дата нараджэння	17 снежня 1933(1933-12-17) (91 год)
Месца нараджэння	Барысаў, БССР, СССР
Грамадзянства	СССР  Беларусь
Род дзейнасці	навуковец
Навуковая сфера	машынабудаванне
Месца працы	Інстытут механікі металапалімерных сістэм імя У. А. Белага НАН Беларусі
Навуковая ступень	доктар тэхнічных навук (1988)
Альма-матар	Гомельскі каледж БелІІЧТ
Прэміі

Віктар Яўгенавіч Старжы́нскі^[1] (нар. 17 снежня 1933) — вучоны ў галіне машынабудавання, доктар тэхнічных навук (1988).

Нарадзіўся ў горадзе Барысаў. Скончыў сямігадовую школу, Гомельскі тэхнікум чыгуначнага транспарту^[2]. Паступаў у Маскоўскі электрамеханічны інстытут інжынераў транспарту і ў 1953 годзе быў накіраваны ў створаны Гомельскі інстытут інжынераў чыгуначнага транспарту^[2], які скончыў у 1958 годзе. Быў размеркаваны ў паравознае дэпо станцыі Новасакольнікі ў Пскоўскай вобласці і па існаваўшаму ў той час правілу працаваў качагарам на грузавым цягніку^[2]. У 1959 годзе па ініцыятыве У. А. Белага быў створаны Гомельскі філіял лабараторыі трываласці і даўгавечнасці дэталяў машын (пры Інстытуце машыназнаўства Акадэміі навук БССР, з 1961 года ў складзе Аддзялення Інстытута матэматыкі і вылічальнай тэхнікі Акадэміі навук БССР, пазней Аддзел механікі палімераў Акадэміі навук БССР, з 1969 года Інстытут механікі металапалімерных сістэм Акадэміі навук БССР, сучасны Інстытут механікі металапалімерных сістэм імя У. А. Белага НАН Беларусі^[3]), куды з 15 красавіка^[2] В. Я Стражынскі быў залічаны на пасаду інжынера-канструктара. У 1968 годзе абараніў кандыдацкую дысертацыю. З 1971 года займаў пасаду загадчыка лабараторыі, 3 1989 года — загадчыка аддзела^[1].

Аўтар навуковых прац па метадах разліку, праектавання і тэхналогіі вырабаў дэталей машын з палімерных кампазіцыйных матэрыялаў, аптымізацыі кінематычных схем прыводаў прыбораў. Распрацаваў метады разіку паказчыкаў дакладнасці і геаметрычных параметраў зубчастых колаў з пластмас і тэхналагічнай аснасткі для іх вырабу.

Аўтар шэрагу вынаходстваў, абароненых патэнтамі.

Сярод апублікаванага:

• Прикладная механика слоистых тел из композитов: Плоские контактные задачи. / В. В. Можаровский, В. Е. Старжинский — Мн.: Наука и техника, 1988. — 271 с.
• Металлополимерные зубчатые передачи / В. А. Белый, В. Е. Старжинский, С. В. Щербаков ; АН БССР, Ин-т механики металлополимерных систем. — Мн.: Наука и техника, 1981. — 351 с.
• Точные пластмассовые детали и технология их получения / В. Е. Старжинский [и др.]. — Мг.: Навука і тэхніка, 1992. — 307 с. — ISBN 5-343-00804-6.
• Элементы привода приборов: расчёт, конструирование, технологии / под ред. Ю. М. Плескачевского. — Мн.: Беларуская навука, 2012. — 769 с. — ISBN 978-985-08-1429-6.
• Зубчатые передачи и трансмиссии в Беларуси: проектирование, технология, оценка свойств / Альгин В. Б., Антонюк В. Е., Ишин Н. Н., Старжинский В. Е., Шилько С. В. и др. под общ. ред. В. Б. Альгина и В. Е. Старжинского. — Минск: Беларуская навука, 2017. — 406 с. — ISBN 978-985-08-2119-5
• Словарь-справочник по зубчатым передачам : Рус.-англ.-нем. / В. Е. Старжинский, В. Е. Антонюк, М. М. Кане, С. В. Шилько; Под ред. В. Е. Старжинского — Гомель: ИММС НАНБ, 2002. — 68 с. — ISBN 985-6477-20-4.

• Дзяржаўная прэмія БССР (1972)^[1][4]
• Лаўрэат Конкурсу імя першадрукара Івана Фёдарава Расійскай інжынернай акадэміі 2020 года за манаграфію «Зубчатые передачи и трансмиссии в Беларуси: проектирование, технология, оценка свойств» (разам з У. Б. Альгіным, У. Я. Антанюком, С. В. Шылько, М. М. Ішыным)^[5].

• Старжы́нскі Віктар Яўгенавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 161. — 10 000 экз. — ISBN 985-11-0035-8. — ISBN 985-11-0251-2 (т. 15).

• Итория института (руск.) // Інстытут механікі металапалімерных сістэм імя У. А. Белага НАН Беларусі
• Татьяна Сычкова Всю жизнь — Её величеству Науке // Могилёвские ведомости (руск.)
• База патентов Беларуси Архівавана 4 красавіка 2023. (руск.)
• Банк патентов РФ на изобретения и промышленные образцы ФИПС Роспатента (руск.)