Вітаўтас Брэдзікіс

Вітаўтас Брэдзікіс
Дата нараджэння	20 лістапада 1930(1930-11-20)[1]
Месца нараджэння	Біржы, Біржаўскі павет[d], Літва
Дата смерці	15 студзеня 2021(2021-01-15)[2] (90 гадоў)
Месца смерці	Вільня, Віленскае гарадское самакіраванне, Літва
Грамадзянства	Літва
Альма-матар	Біржайская гімназія[d] (1949) Дзяржаўны мастацкі інстытут Літоўскай ССР (1955)
Працы і дасягненні
Працаваў у гарадах	Вільнюс
Найважнейшыя пабудовы	Вільнюскі аўтавакзал Навучальны корпус Мастацкага інстытута
Горадабудаўнічыя праекты	Жылы раён Лаздзінай
Прэміі
Узнагароды
Медыяфайлы на Вікісховішчы

Вітаўтас Брэ́дзікіс (літ.: Vytautas Brėdikis; 20 лістапада 1930, Біржай — 15 студзеня 2021, Вільнюс) — літоўскі архітэктар. Народны архітэктар Літоўскай ССР (1984), лаўрэат Ленінскай прэміі (1974).

У 1937—1949 гадах вучыўся ў Біржайскай гімназіі. Скончыў у 1955 годзе Мастацкі інстытут Літоўскай ССР у Вільнюсе.

У 1955—1965 гадах у Інстытуце праектавання гарадскога будаўніцтва ў Вільнюсе, з 1960 года быў кіраўніком групы, з 1964 года — галоўны архітэктар праектаў.

З 1965 года выкладаў у Мастацкім інстытуце, дацэнт (1971), прафесар (1984), у 1988—1993 гадах рэктар Вільнюскай мастацкай акадэміі.

Распрацаваў праект дэталёвай планіроўкі і забудовы грамадскага цэнтра на правым беразе р. Нярыс у Вільні (у сааўтарстве, 1964). Па яго праектах пабудаваны ў Вільнюсе: жылы раён Лаздзінай (у сааўтарстве, пачаты ў 1967; Ленінская прэмія 1974), аўтавакзал (1974), навучальны корпус Мастацкага інстытута (у сааўтарстве, 1981; Дзяржаўная прэмія Літвы 1984); плошча ў г. Біржай (1976) з помнікам Ю. Янонісу.

Член Саюза архітэктараў Літвы, народны архітэктар Літоўскай ССР (1984); заслужаны архітэктар Літвы; лаўрэат Ленінскай прэміі (1974), прэміі Савета міністраў СССР (1975), Дзяржаўнай прэміі Літоўскай ССР (1984). Узнагароджаны ордэнам Вялікага князя Літоўскага Гядзімінаса трэцяй ступені (1998), медалём Незалежнасці Літвы, а таксама ордэнам Рыцара архітэктуры Саюза архітэктараў Літвы.

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Бредикис Витаутас // Литва. Краткая энциклопедия. — Вильнюс: Главная редакция энциклопедий, 1989. — С. 155. — 672 с. — 22 000 экз.
• Mačiulis, Algimantas. Brėdikis Vytautas // Visuotinė lietuvių enciklopedija. — Vilnius: Mokslo ir enciklopedijų leidybos institutas, 2003. — Т. III: Beketeriai — Chakasai. — С. 463. — 799 с. — 20 000 экз. — ISBN 5-420-01512-9. (літ.)

• На Вікісховішчы ёсць медыяфайлы па тэме Вітаўтас Брэдзікіс
• Dėstytojai (літ.)