Галіна Валянцінаўна Таўлай

Галіна Валянцінаўна Таўла́й^[2] (22 верасня 1946, Мінск) — беларускі этнамузыколаг. Кандыдат мастацтвазнаўства (1983).

Дачка В. П. Таўлая^[2]. Скончыла Беларускую кансерваторыю (1970). У 1965—1973 гадах выкладала ў музычных школах Мінска. 3 1985 года ў Інстытуце мастацтвазнаўства, этнаграфіі і фальклору Беларускай АН. 3 1996 года Расійскім інстытуце гісторыі мастацтваў.

Даследуе праблемы функцыянавання, стылістыкі, этнаграфічнага кантэксту, музычнай тыпалогіі, мелагеаграфіі беларускага песеннага фальклору. Аўтар манаграфіі «Беларускае купалле. Абрад, песні» (1986), музычных раздзелаў у тамах серыі «Беларуская народная творчасць»: «Сямейна-бытавыя песні» (1984), «Купальскія і пятроўскія песні» (1985), «Сацыяльна-бытавыя песні» (1987), «Радзіны: Абрад, песні» (1998).

• Варфаламеева Т. Б. Таўла́й Галіна Валянцінаўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 459. — 10 000 экз. — ISBN 985-11-0035-8. — ISBN 985-11-0251-2 (т. 15).