Гедэон Святаполк-Чацвярцінскі

Гедэон Святаполк-Чацвярцінскі
Мітрапаліт Кіеўскі, Галіцкі і ўсяе Русі[d] 8 лістапада 1685 — 27 студзеня 1688
Папярэднік	Antoni Winnicki[d]
Дзейнасць	праваслаўны святар
Нараджэнне	1634
Смерць	6 красавіка 1690(1690-04-06) Кіеў, Маскоўская дзяржава
Пахаванне	Сафійскі сабор
Дынастыя	Чацвярцінскія
Бацька	Захарый Чацвярцінскі[d]
Медыяфайлы на Вікісховішчы

Гедэон Святаполк-Чацвярцінскі (свецкае Рыгор; ? — 6 (16) красавіка 1690) — дзеяч праваслаўнай царквы Рэчы Паспалітай.

Паходзіў з княжацкага роду Чацвярцінскіх, сын старасты раціборскага Захара Чацвярцінскага.

3 1660 года епіскап луцкі і астрожскі. Вёў барацьбу з уніятамі за права карыстацца тытулам і царкоўнымі маёнткамі, але ў 1683 годзе пазбаўлены іх каралеўскай уладай. У 1684 годзе пераехаў на Левабярэжную Украіну, што знаходзілася пад уладай Расіі, і асталяваўся ў Крупіцкім манастыры пад Батурынам.

Царкоўны сабор у Кіеве ў 1685 годзе па патрабаванні гетмана І. Самайловіча абраў Гедэона кіеўскім мітрапалітам. Насуперак традыцыі быў накіраваны для зацвярджэння патрыярхам у Маскву. Там пасвячоны 8(18).11.1685, пасля чаго праваслаўная царква Рэчы Паспалітай фармальна пачала падпарадкоўвацца не Канстанцінопальскай, а Маскоўскай патрыярхіі. Шмат увагі аддаваў уладкаванню Кіева-Магілянскай акадэміі.

• Валерый Пазднякоў. Гедэон // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.
• Архив Юго-Западной России. Ч. 1, т. 5. Киев, 1873.

• На Вікісховішчы ёсць медыяфайлы па тэме Гедэон Святаполк-Чацвярцінскі