Генадзь Мікалаевіч Варанцоў

Генадзь Варанцоў
Міністр юстыцыі Рэспублікі Беларусь 23 студзеня 1997 — 21 верасня 2001
Прэзідэнт	Аляксандр Лукашэнка
Кіраўнік урада	Сяргей Лінг Уладзімір Ярмошын
Папярэднік	Валянцін Сукала
Пераемнік	Віктар Галаванаў
Нараджэнне	1948 Вілейка, Вілейскі раён, Маладзечанская вобласць, БССР, СССР
Нацыянальнасць	беларус
Адукацыя	БДУ

Гена́дзь Мікала́евіч Варанцоў (нар. 1948 ў г. Вілейка Мінскай вобласці) — беларускі дзяржаўны дзеяч, былы міністр юстыцыі Рэспублікі Беларусь (1997—2001).

У 1977 г. скончыў Беларускі дзяржаўны ўніверсітэт па спецыяльнасці «правазнаўства».

Працоўную дзейнасць пачаў у 1964 годзе фрэзероўшчыкам на Маладзечанскім станкабудаўнічым заводзе.

У 1967—1969 гадах — служба ў радах Савецкай Арміі.

Пасля службы вярнуўся на Маладзечанскі станкабудаўнічы завод, дзе прайшоў шлях ад фрэзероўшчыка, майстра да інжынера.

У 1977 годзе пасля заканчэння Беларускага дзяржаўнага універсітэта працаваў суддзёй, старшынёй суда ў горадзе Маладзечна.

У 1991—1995 гадах — Член Вярхоўнага Суда Рэспублікі Беларусь.

З 1995 года — начальнік ўпраўлення юстыцыі Мінскага аблвыканкама.

23 студзеня 1997 года быў прызначаны Міністрам юстыцыі Рэспублікі Беларусь.^[1]

21 верасня 2001 года Савет міністраў Рэспублікі Беларусь склаў паўнамоцтвы перад новаабраным прэзідэнтам^[2].

• Біяграфія на сайце Bymedianet(недаступная спасылка)