Георгій Ільіч Ліёпа

Георгій Ільіч Ліёпа
Дата нараджэння	26 студзеня 1923(1923-01-26)
Месца нараджэння	Кашалёў[d], Брадзецкая воласць[d], Ігуменскі павет, БССР, СССР
Дата смерці	26 красавіка 2011(2011-04-26) (88 гадоў)
Грамадзянства	БССР  Беларусь
Род дзейнасці	інжынер у цывільным будаўніцтве
Месца працы	Мінскпраект ІБіА Дзяржбуда БССР Мінскпраект Белдзяржпраект
Альма-матар	БПІ (1948)
Партыя	КПСС
Член у	Саюз архітэктараў СССР Беларускі саюз архітэктараў
Узнагароды

Георгій Ільіч Ліёпа (Лёпа, 26 студзеня 1923, в. Кашалёва, Клічаўскі раён, Магілёўская вобласць — 26 красавіка 2011) — беларускі інжынер-будаўнік. Заслужаны будаўнік БССР (1974).

Удзельнік Вялікай Айчыннай вайны. Скончыў Беларускі політэхнічны інстытут у 1948 годзе. Працаваў канструктарам, галоўным канструктарам у Мінгарпраекце, галоўным інжынерам лабараторыі ў ІБіА АН БССР, галоўным інжынерам Мінскпраекта, з 1964 па 1989 г. — дырэктарам Белдзяржпраекта.

Член Саюза архітэктараў СССР з 1964 года. Член КПСС з 1955 года. Пражываў у Мінску.

Удзельнічаў у распрацоўцы генплана Мінска, у праектаванні забудовы Брэста, Бабруйска, Віцебска, Гродна, Жодзіна, Магілёва, Пінска, Светлагорска, Салігорска, адзін з аўтараў праектаў комплексу будынкаў Беларускага політэхнічнага інстытута (1954), Упраўлення Беларускай чыгункі (1950), 167-кватэрнага жылога дома па вул. Казлова, жылых дамоў па Ленінскім праспекце (1957) у Мінску, серыі БМ і тыпавых праектаў жылых дамоў для БССР (1957).

Узнагароджаны ордэнамі Працоўнага Чырвонага Сцяга (1966), Айчыннай вайны II ступені, медалямі «За баявыя заслугі», «За перамогу над Германіяй у Вялікай Айчыннай вайне», дзвюма Ганаровымі граматамі Прэзідыума Вярхоўнага Савета БССР. Прэмія Савета Міністраў СССР (1987) за стварэнне і ўкараненне адзінай сістэмы мясцовых і рэсурсавых разлікаў з прымяненнем ЭВМ.

• Лиопо Георгий Ильич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

• Памяти Георгия Ильича Лиопо посвящается