Даўгахвосты лімнакалянус

Даўгахвосты лімнакалянус
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Максілаподы Падклас:  Весланогія ракападобныя Інфраклас:  Neocopepoda Надатрад:  Gymnoplea Атрад:  Весланогія ракападобныя Сямейства:  Цэнтрапагіды Род:  Limnocalanus Від:  Даўгахвосты лімнакалянус
Міжнародная навуковая назва
Limnocalanus grimaldii Guerne, 1886
Падвіды
Limnocalanus grimaldii glacialis Lindquist, 1961 Limnocalanus grimaldii grimaldii Guerne, 1886 Limnocalanus grimaldii macrurus Sars G.O., 1863
Сістэматыка на Віківідах Выявы на Вікісховішчы ITIS   85774 NCBI   399988 EOL   339646

Гэты від занесены ў Чырвоную кнігу Беларусі і ахоўваецца законам. III катэгорыя (VU)

Даўгахвосты лімнакалянус (Limnocalanus grimaldii) — ледавікова-марскі рэлікт чацвярцічнага перыяду, атрад весланогія ракападобныя (Copepoda), сямейства цэнтрапагіды (Centropagidae).

Адзін з буйных прадстаўнікоў планктонных прэснаводных капепод. Даўжыня цела ад 1,6 да 2,2 мм (у вадаёмах Беларусі). Тулава складаецца з 3 аддзелаў: галаўнога, груднога (торакс), злітых у галавагрудзі, і брушнога (абдомен). На канцы абдомена 2 каудальныя галінкі з 5 аперанымі шчацінкамі. Галавагрудзі складаюцца з 5 сегментаў, дзе размешчаны: пара доўгіх аднагалінастых пярэдніх антэнаў, 5 пар ротавых канечнасцей і 5 пар плавальных ног. Абдомен намнога вузейшы за галавагрудзі, у самкі трох-, у самца пяцічленікавы. Каудальныя галінкі больш як у 2 разы даўжэйшыя за апошні членік брушка^[1].

Глыбокія азёры паўночнага паўшар'я. Па Беларусі праходзіць паўднёвая мяжа арэала. Знойдзены ў паўночна-заходняй частцы краіны ў азёрах Паўночны і Паўднёвы Воласа, Снуды, Струста, Рычы, Доўгае, Крывое Сіта, Бабына^[1].

Насяляе алігатрофныя і мезатрофныя азёры ледавіковага паходжання. Жыве ў тоўшчы вады, пераважна ў слаях з тэмпературай не вышэй за 10-12 °C^[1].

Унесены ў Чырвоныя кнігі Беларусі і Літвы^[1].

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мінск: Беларуская Энцыклапедыя, 1993. ISBN 5-85700-095-5

• Длиннохвостый лимнокалянус(недаступная спасылка) (руск.)
• Від Даўгахвосты лімнакалянус у Сусветным рэестры марскіх відаў (World Register of Marine Species) (англ.)