Двухпалосны падвадзень

Двухпалосны падвадзень
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Adephaga Надсямейства:  Dytiscoidea Сямейства:  Плывунцы Падсямейства:  Dytiscinae Трыба:  Aciliini Род:  Graphoderus Від:  Двухпалосны падвадзень
Міжнародная навуковая назва
Graphoderus bilineatus De Geer, 1774
Ахоўны статус
Уразлівыя IUCN 3.1 Vulnerable : / 9494
Сістэматыка на Віківідах Выявы на Вікісховішчы ITIS   812118 NCBI   1452964 EOL   3479839

Двухпалосны падвадзень (Graphoderus bilineatus) — жук сямейства плывунцоў.

Цела жука вельмі шырокае і кароткае (даўжыня 14,5-16,0 мм), з найбольшай шырынёй за сярэдзінай. Эпіплеўры надкрылаў вельмі шырокія, разам з імі ўтвараюць востры край. Бакі надкрылаў на ўзроўні 2-га і 3-га сцернітаў злёгку ўціснуты, далей уплошчаныя. Характэрны вельмі вузкія чорныя аблямоўкі на пярэднім і заднім краях пярэднеспінкі. У самца пярэднія лапкі з 1 буйнай прысоскай, 2 сярэдняй велічыні і больш за 32 дробнымі прысоскамі. Лапкі сярэдніх ног з 16-18 прысоскамі, размешчанымі ў 2 рады. Бакі пярэднеспінкі самкі ў падоўжных маршчынках.

Рэдкі від, шырока распаўсюджаны ў Еўразіі (акрамя крайняга поўдня), але ўсюды нешматлікі. Вядомы ў Польшчы, Украіне, Расіі (да Заходняй Сібіры); ахоўваецца ў Беларусі.

Аддае перавагу глыбокім вадаёмам са стаячай вадою і густой расліннасцю ля берагоў.

Гэты від занесены ў Чырвоную кнігу Беларусі і ахоўваецца законам. III катэгорыя (VU)