Дзмітрый Альгердавіч

Дзмітрый Альгердавіч
Маскоўскае войска сустракае літоўскіх саюзнікаў — князёў Андрэя і Дзмітрыя Альгердавічаў
князь бранскі каля 1370 — каля 1375
Папярэднік	Раман Міхайлавіч
Пераемнік	Раман Міхайлавіч
1390 — 1399
Папярэднік	Раман Міхайлавіч
князь трубчэўскі і старадубскі 1360-я — 1379
Нараджэнне	1327
Смерць	12 жніўня 1399 Ворскла
Род	Гедзімінавічы і Альгердавічы[1]
Бацька	Альгерд[2]
Маці	Марыя[2]
Жонка	Ганна
Дзеці	Міхаіл, Іван
Бітвы	Кулікоўская бітва
Медыяфайлы на Вікісховішчы

Дзмітрый Альгердавіч (пасля 1320 — 12 жніўня 1399) — князь бранскі, старадубскі, трубчэўскі з дынастыі Гедзімінавічаў. Родапачынальнік князёў Трубяцкіх.

Сын вялікага князя Альгерда і яго першай жонкі Марыі. У гістарыяграфіі часта блытаюць Дзмітрыя і яго малодшага брата Карыбута-Дзмітрыя Альгердавіча.

Каля 1370 года атрымаў Бранскае і Старадубскае княствы^[3]. Магчыма, князю Дзмітрыю таксама належала маладзечанскае «Дмитрьево село Груздовица», нададзенае ў 1387 годзе каралём Ягайлам сярод іншага свайму брату князю Скіргайлу.

Аднак, у 1375 годзе, паводле Рагожскага летапісца (Стб. 106, 138), бранскім князем быў Раман Міхайлавіч, прыхільнік Масквы.

Страціў свае ўладанні пасля «ад’езду» у Маскву зімой 1379—1380 года. Ад вялікага князя маскоўскага атрымаў Пераслаўль-Залескі. Браў удзел у Кулікоўскай бітве 1380 года.

У канцы 1387 — пачатку 1388 года вярнуўся ў Вялікае Княства Літоўскае. У Маладзечне 16 снежня 1388 года прысягнуў каралю Ягайлу.

Загінуў у бітве на Ворскле (1399).

У шлюбе з Ганнай меў двух сыноў:

• Міхаіла (пам. пасля 1399), князя трубчэўскага
• Івана (пам. 1399)

• Зотов P. В. О черниговских князьях по Любецкому синодику и о черниговском княжестве в татарское время. — СПб., 1892. — С. 143-144. Архівавана 7 жніўня 2011.
• Шабульдо Ф. М. Земли Юго-Западной Руси в составе Великого княжества Литовского. — Киев: Наукова думка, 1987. — С. 65. — 161 с.
• Флоря Б. Н. Литва и Русь перед битвой на Куликовом поле // Куликовская битва. — Москва, 1980. — С. 142—173. — С. 166.
• Экземплярский А. В. Черниговские, князья // Русский биографический словарь : в 25-ти томах. — СПб.—М., 1896—1918. (руск.)
• Беларуская энцыклапедыя : у 18 т. — Мінск, 1998. — Т. 6. — С. 125.
• Вялікае Княства Літоўскае : энцыклапедыя : [у 3 т.]. — Мінск, 2005. — Т. 1. — С. 586—587.
• Энцыклапедыя гісторыі Беларусі : у 6 т. — Мінск, 1996. — Т. 3. — С. 232.