Дзмітрый Вячаслававіч Скварчэўскі

Дзмітрый Вячаслававіч Скварчэўскі (нар. 1988, Барысаў) — беларускі гісторык. Даследчык і гісторыі станаўлення навуковай астраноміі ў Вялікім Княстве Літоўскім. Кандыдат гістарычных навук (2017)^[1].

Нарадзіўся ў 1988 годзе ў Барысаве^[1].

Скончыў у 2011 годзе гістарычны факультэт БДУ, у 2012 годзе — магістратуру, у 2015 годзе — аспірантуру БДУ. У 2017 годзе абараніў кандыдацкую дысертацыю па тэме «Фарміраванне і развіццё астранамічных ведаў у Вялікім Княстве Літоўскім у XIV—XVII стст.»^[1].

Працуе дацэнтам кафедры гісторыі Беларусі Старажытнага часу і Сярэдніх вякоў гістфака БДУ^[1].

Напрамкі даследаванняў: беларуская дахрысціянская традыцыя; этнаастраномія; уяўленні жыхароў Вялікага Княства Літоўскага пра Сусвет; апісанне астранамічных з’яў у летапісах Вялікага Княства Літоўскага; традыцыйная культура насельніцтва беларускіх зямель^[1].

• Навука звяздарская: астраномія ў Вялікім Княстве Літоўскім у XIV—XVII ст. Мінск, 2022.
• Па слядах багоў : нарысы беларускай міфалогіі. Мінск, 2019.

Удзел у калектыўных працах

• Трошкі бліжэй да Сонца, трошкі далей ад Месяца: беларуская народная філасофія. Мінск, 2021; 2022.
• Беларусь: путь в космос = Belarus: the way to space. Минск, 2018.

• СКВАРЧЭЎСКІ Дзмітрый Вячаслававіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.