Дзмітрый Хананавіч Астрахан

Дзмітрый Хананавіч Астрахан
Дзмітрый Хананавіч Астрахан
Дата нараджэння	17 сакавіка 1957 (68 гадоў)
Месца нараджэння	Ленінград, РСФСР, СССР;
Грамадзянства	СССР; Расія;
Адукацыя	Расійскі дзяржаўны інстытут сцэнічных мастацтваў;
Прафесія	акцёр, кінарэжысёр, тэатральны рэжысёр, вядучы, тэлевядучы, тэлеакцёр
Узнагароды	Ніка
IMDb	ID 0040125
	Медыяфайлы на Вікісховішчы

Дзмітрый Хананавіч Астрахан (нар. 17 сакавіка 1957, Ленінград, РСФСР) — савецкі і расійскі рэжысёр тэатра і кіно, прадзюсар, тэлевядучы, кінаакцёр. Заслужаны дзеяч мастацтваў РФ (2009), лаўрэат Спецыяльнай прэміі Рэспублікі Беларусь (2014). Член грамадскай рады Расійскага яўрэйскага кангрэса.

Біяграфія

Нарадзіўся ў сям’і ленінградскіх гісторыкаў — Ханана Маркавіча Астрахана і Сусаны Маркаўны Маневіч, выхадцаў з Беларусі. Быў малодшым, пятым дзіцем у сям’і. У школе захапляўся чытаннем, матэматыкай і спортам. Па заканчэнні восьмага класа паступіў у фізіка-матэматычную школу № 30 на Васільеўскім востраве і адначасова працягнуў займацца класічнай барацьбой. Па заканчэнні школы быў прыняты ў Ленінградскі электратэхнічны інстытут імя Ульянава (Леніна). На працягу некалькіх гадоў змяніў некалькі інстытутаў, пакуль не быў прыняты ў Ленінградскі дзяржаўны інстытут тэатра, музыкі і кінематаграфіі, у клас А. А. Музіля (скончыў у 1982 годзе). У якасці дыпломнай працы павінен быў паставіць спектакль у Пушкінскім тэатры, аднак, па сцвярджэнні самога Астрахана, пасля таго, як мастацкі кіраўнік тэатра даведаўся, што Астрахан — яўрэй, спектакль паставіць не далі.

З 1981 па 1987 год — рэжысёр Свярдлоўскага тэатра юнага гледача. Затым адслужыў ва Узброеных сілах СССР (марская авіяцыя). Ставіў спектаклі ў розных тэатрах Расіі і за мяжой, стажыраваўся ў Г. А. Таўстаногава ў Ленінградзе.

З 1991 па 1995 год кіраваў пецярбургскім Тэатрам камедыі імя Н. П. Акімава.

З 1993 па 1996 год кіраваў акцёрскай майстэрняй Санкт-Пецярбургскай дзяржаўнай акадэміі тэатральнага мастацтва.

Актыўна працуе ў тэатры і кіно.