Дрыколле (археалагічны помнік)

Гарадзішча
Дрыколле
55°16′42″ пн. ш. 30°02′38″ у. д.HGЯO
Краіна	Беларусь
Вёска	Дрыколле Віцебскі раён
Статус	Гісторыка-культурная каштоўнасць Беларусі, шыфр 213В000277шыфр 213В000277

Дрыколле, мясцовая назва Царкавішча — археалагічны помнік: гарадзішча перыяду ранняга жалезнага веку (V стагоддзе да н.э. — V стагоддзе н.э). Знаходзіцца за 2 км на паўднёвы захад ад в. Дрыколле (Віцебскі раён). Пляцоўка памерам 35х45 м, умацавана валам вышынёй 2—2,5 м, і ровам глыбінёй 1,5—2 м. Уваход з паўднёвага боку.

Абследавалі ў 1955 годзе Л. В. Аляксееў^[1], у 1972 годзе Г. В. Штыхаў, у 1981 годзе Л. У. Калядзінскі. Раскопкі не праводзілі.

Да некаторага часу захоўвалася пабудаваная на месцы гарадзішча царква (адзначана на мапах 1920-х — 1930-х гадоў і на трохверставой мапе Шуберта 1867—1869 гадоў). Мяркуючы па застаўшымся рэшткам цэглы ды раскіданым у наваколлі часаным каменні, яна была мураваная. Камяні і цэгла маюць сляды змацавальнага раствора. Таксама захаваліся каменныя крыжы (частка ляжыць на верхняй пляцоўцы гарадзішча, а частка скінута па схілах). Па іх знешнему выгляду магчыма сказаць, што яны былі ўсталяваны на магілах (імаверна на царкоўных могілках хавалі служачых гэтай царквы). Відаць, што ў пасляваенны час царква прыйшла ў заняпад, а потым была разабрана мясцовымі жыхарамі на будаўнічыя матэрыялы (цэглы амаль не засталося, толькі адзінкавыя кавалкі).

Зараз уся пляцоўка раскапана «чорнымі археолагамі». Пашкоджаны схілы гарадзішча, валы і роў вакол яго.

Ахоўнай шыльды дзяржаўнага ўзору не ўсталявана, нягледзячы на тое, што археалагічны помнік уключаны ў спіс гісторыка-культурных каштоўнасцей Рэспублікі Беларусь пастановай Савета Міністраў № 578 ад 14.05.2007.

• 
  Від з паўночнага боку
• 
  Верхняя пляцоўка
• 
  З паўднёвага боку гарадзішча
• 
  Скінуты крыж на схіле
• 
  Скінуты крыж
• 
  Побач два крыжы
• 
  Бачны вал (праваруч)
• 
  Ступеньчатыя схілы (тэрасы)
• 
  Ямы ад чорнакапецелей
• 
  Рэшткі цэглы
• 
  Часаны камень
• 
  Раскінутыя камяні
• 
  Рэшткі цэглы
• 
  Камень з цыліндрычным выступам
• 
  Рэшткі цэглы
• 
  Часаны камень са скруглёнымі формамі
• 
  Царква на мапе Шуберта
• 
  Царква на тапаграфічнай мапе
• 
  Царква на тапаграфічнай мапе

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213В000277

• Археалагічныя помнікі раёна // Памяць: Віцебскі раён: Гісторыка-дакументальная хроніка гарадоў і раёнаў Беларусі / Рэдкал.: А. П. Красоўскі [і інш.]; Укл. У. І. Мезенцаў; Маст. Э. Э. Жакевіч. — Мн.: Мастацкая літаратура, 2004. — 772 с.: іл. — С. 29. — ISBN 985-02-0647-0.