Ежы Казімір Анцута

Ежы Казімір Анцута
Уласны герб «Анцута»
Суфраган віленскі 1723 — 1737
Папярэднік	Мацей Юзаф Анцута
Пераемнік	Антоні Юзаф Жалкоўскі
Вялікі рэферэндар літоўскі 31 жніўня 1715 — 16 мая 1737
Папярэднік	Мацей Юзаф Анцута
Пераемнік	Юзаф Станіслаў Сапега
Адукацыя	Віленскі ўніверсітэт
Дзейнасць	каталіцкі святар, каталіцкі біскуп
Нараджэнне	невядома Падляшша
Смерць	16 мая 1737(1737-05-16) Вільня, Віленскі павет, Віленскае ваяводства, Вялікае Княства Літоўскае
Пахаванне	Кафедральны сабор Святога Станіслава
Дынастыя	Анцуты[d]

Ежы Казімір Анцута (?, Падляшша — 16 мая 1737) — рымска-каталіцкі дзеяч Рэчы Паспалітай.

З шляхецкага роду Анцутаў герба «Анцута», родны або стрыечны брат віленскага біскупа Мацея Юзафа Анцуты.

Навучаўся ў Віленскай акадэміі і ў Рымскім папескім універсітэце «Сапіенца», доктар абодвух правоў. Канонік віленскі ў 1708—1724, афіцыял з 1714, прэпазіт каралеўскае капліцы святога Казіміра, рэферэндар духоўны літоўскі з 1715. У 1718 сойм з яго прапановы адлічыў са свайго складу дысідэнтаў і забараніў іх далейшае абранне ў склад сойму.

У 1723 прызначаны тытулярным біскупам антыпатрыдскім і суфраганам віленскім. З 1724 плябан новагародскі і ляхавіцкі, кантар віленскі. З 1728 схаластык, з 1731 архідыякан.

Пад імем біскупа Анцуты езуіт С.Сакульскі выдаў дзве кнігі супраць іншаверцаў.

• Пазднякоў В. Анцута Ежы Казімір // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 232. — 688 с. — ISBN 985-11-0314-4 (т. 1), ISBN 985-11-0315-2.