Жодзішкаўская сядзіба

Палацава-паркавы комплекс
Палацава-паркавы комплекс Мілашэўскіх
54°37′16,78″ пн. ш. 26°26′36,55″ у. д.HGЯO
Краіна	Беларусь
Вёска	Жодзішкі
Архітэктар	Т. Жаброўскі
Будаўніцтва	XVIII—XIX стагоддзі
Будынкі
сядзібны дом • парк
Статус	Гісторыка-культурная каштоўнасць Беларусі, шыфр 412Г000595шыфр 412Г000595
Глобус Беларусі	globustut.by/zhodishki/i…

Жодзішкаўская сядзіба — помнік барока і садова-паркавага мастацтва XVIII—XIX ст. на паўднёвай ускраіне в. Жодзішкі, на правым беразе р. Вілія пры ўпадзенні ў яе р. Святлянка.

Створаны на працягу XVIII—XIX стст. Пад сядзібны дом прыстасаваны (арх. Т. Жаброўскі) будынак езуіцкага калегіума, пабудаванага ў 1757—1766 гг. у стылі барока ў маёнтку Міцкевічаў. З канца XVIII ст. палац належаў Патоцкім, Ласкарысам, Мілашэўскім.

Сядзібны дом — мураваны прамавугольны ў плане двухпавярховы аб’ём, накрыты вальмавым дахам. Цэнтральны ўваход вылучаны неглыбокім рызалітам з мансардай. Фасады члянёны лучковымі аконнымі праёмамі і вузкімі лапаткамі ў прасценках. Планіроўка дома галерэйная, памяшканні перакрыты крыжовымі скляпеннямі.

Парк пейзажнага тыпу з дрэвамі мясцовых парод, як то ліпы, клёна, таполі і інш.

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 412Г000467

• Жодзішкаўская сядзіба на сайце Radzima.org
• Жодзішкаўская сядзіба на сайце Глобус Беларусі (руск.)
• Праект зон аховы нерухомых матэрыяльных гісторыка-культурных каштоўнасцей "Былая сядзіба: сядзібны дом, парк" і "Вадзяны млын" у аграгарадку Жодзішкі Смаргонскага раёна Гродзенскай вобласці ад 30.09.2022 № 77 у Нацыянальным фондзе тэхнічных нарматыўных прававых актаў
• Жодзішкаўская сядзіба на сайце «Архіварта»