Замак (востраў, возера Дрысвяты)
За́мак (трансліт.: Zamak) — востраў на возеры Дрысвяты. Уваходзіць у склад Беларусі. Плошча — 0,26 км². Незаселены. Геаграфія Востраў Замак месціцца ў паўднёва-ўсходняй частцы возера Дрысвяты ў 860 м на паўночны захад ад цэнтра аграгарадка Дрысвяты. Аддзелены ад берага пралівамі на поўначы (177,82 м) і на паўднёвым усходзе (333 м). Даўжыня з поўначы на поўдзень — 745 м. Найбольшая шырыня — 678 м. Большая частка вострава раўнінная, пакрыта лугамі. На поўдні вылучаюцца лясны гай і штучнае ўзвышша — замчышча. ГісторыяПаселішча на паўднёвым захадзе вострава Замак узнікла ў II — I стст. да н. э. Паўторнае засяленне адбылося ў X — XVII стст. У XIV — XVII ст. на востраве існаваў Дрысвяцкі замак, аднак археолагі мяркуюць, што ўмацаванне на месцы замчышча бярэ пачатак у XI ст. Яны выявілі селішча на поўдні і паўднёвым усходзе ад месцазнаходжання замка. Найбольш інтэнсіўна жыццё селішча праходзіла ў XI — XIII стст., калі, як лічаць, яно з'яўлялася пасадам умацавання. Археалагічныя раскопкі пачаліся ў 1955 г. Археолагі знайшлі шмат вырабаў з жалеза, бронзы, косці, кераміку, прасліца з кірылічным надпісам, рэшткі ювелірнай майстэрні. ФальклорУ Дрысвятах існуе шмат легенд пра востраў Замак. Згодна адной, ад вострава да мацерыка было пракладзена два масты, а пад вадой — тры падземныя хады. Мясцовыя жыхары кажуць, што некалькі разоў у год у ціхія ночы можна пачуць, як пад зямлёй іржуць коні, тупаючы сваімі капытамі. Літаратура
Спасылкі |
||||||||||||||||||||||
.jpg)
Portal di Ensiklopedia Dunia
