Злосць без межаў

Злосць без межаў
З'яўляецца часткай	Народнае супраціўленне Судана (з 2023)
Лідары	Ахмед аль-Бушра
Саюзнікі	Пераходны суверэнны савет Судана (з 2023)
Праціўнікі	Пераходны суверэнны савет Судана (да 2023), Сілы аператыўнай падтрымкі
Удзел у канфліктах	Канфлікт у Судане (з 2023)

Злосць без межаў, ЗБМ (араб. غاضبون بلا حدود‎), таксама Бясконцая злосць^[1] — суданская моладзевая групоўка, створаная ўдзельнікамі рэвалюцыі 2019 года. Выступае супраць ваеннай хунты і за перадачу ўлады да цывільных асоб.

Арганізацыя «Злосць без межаў» была заснавана ў 2020 годзе Ахмедам аль-Бушра^[2]. Яе аснову склалі былыя члены суданскіх камітэтаў супраціву, якія адыгралі значную ролю ў рэвалюцыі 2019 года, займаючыся арганізацыяй пратэстаў супраць рэжыму Амара аль-Башыра. У ЗБМ увайшлі маладыя актывісты ва ўзросце ад 17 да 24 гадоў^[3], якія расчараваліся павольнымі тэмпамі палітычных змен і ваенным уплывам на палітыку Судана^[4][5].

Пасля дзяржаўнага перавароту ў кастрычніку 2021 года^[3][6] група ўзначаліла пратэсты супраць усталявання ваеннай хунты^[7]. Нярэдка члены ЗБМ уступалі ў вулічныя сутыкненні з сіламі бяспекі^[8][9]. Як вынік, гэта справакавала жорсткія рэпрэсіі, і група часам станавілася непасрэднай мішэнню ўладаў^[10].

У 2023 годзе «Злосць без межаў» запусціла інтэрнэт-кампанію па выкрыцці злоўжыванняў паліцыі і нападаў сілавікоў на журналістаў і фатографаў^[11][12].

З моманту пачатку баявых дзеянняў паміж Бурханам і Дагала ў красавіка 2023 года, ЗБМ актыўна ўдзельнічала ў канфлікце^[13]. Групоўка ўзброілася, падтрымаўшы Узброеныя сілы Судана (УСС) у барацьбе з Сіламі хуткай падтрымкі (САП). Апалчэнцы ЗБМ увайшлі ў склад праўрадавай кааліцыі «Народнае супраціўлення»^[3][14]. Члены арганізацыі заявілі, што іх галоўная мэта — абарона грамадзянскіх асоб і супраціўленне агрэсіі САП^[15][16].

Рашэнне групы ваяваць разам з УСС выклікала спрэчкі, асабліва пасля сустрэчы ў красавіку 2024 года лідараў ЗБМ з Абдэлем Фатахам аль-Бурханам, камандуючым арміі і фактычным кіраўніком краіны. У сацыяльных сетках паўстала гарачая дыскусія. Многія абвінавацілі арганізацыю ў легітымізацыі ваеннай хунты. У сваю апраўданне члены ЗБМ заявілі, што іх саюз з УСС з’яўляецца выключна тактычным і накіраваны на абарону грамадзянскага насельніцтва ад зверстваў САП^[17].

Акрамя ваеннага ўдзелу, члены групоўкі таксама аказваюць гуманітарную дапамогу^[18].

1. ↑ غاضبون بلا حدود "غ.ب.ح" (англ.). YouTube. Праверана 29 ліпеня 2024.
2. ↑ Lisa. Sudan revolutionaries join army ranks to 'expel RSF from Khartoum' (англ.)  (нявызн.) ?. Dabanga Radio TV Online (4 кастрычніка 2023). Праверана 13 ліпеня 2024.
3. ↑ ^{а б в} عثمان. ما الجهات التي تساند الجيش السوداني في حربه ضد الدعم السريع؟ (ар.). الجزيرة نت. Праверана 13 ліпеня 2024.
4. ↑ SudanTribune. Protest group calls to exclude political forces from Sudan transitional government (англ.)  (нявызн.) ?. Sudan Tribune (14 сакавіка 2022). Праверана 13 ліпеня 2024.
5. ↑ Yokes. For Sudanese Refugees, Egypt Is Barely a Refuge (англ.)  (нявызн.) ?. Foreign Policy (24 ліпеня 2024). Праверана 13 ліпеня 2024.
6. ↑ Sudan: Anti-war civil forces hold preparatory meeting in Addis Ababa – Sudan Tribune 02:52 (англ.)  (нявызн.) ? (21 кастрычніка 2023). Праверана 13 ліпеня 2024.
7. ↑ فضل. "غاضبون" و"ملوك الاشتباكات" العنوان المثير في مظاهرات السودان.. فمن هم؟ (ар.). الجزيرة نت. Праверана 30 ліпеня 2024.
8. ↑ SudanTribune. Sudan to try anti-coup protesters accused of killing military sergeant (англ.)  (нявызн.) ?. Sudan Tribune (23 верасня 2022). Праверана 13 ліпеня 2024.
9. ↑ Rushton. Thousands protest in the streets of Khartoum (англ.). The National. Праверана 13 ліпеня 2024.
10. ↑ Dabanga. Medics protest attacks on hospitals in Sudanese capital (англ.)  (нявызн.) ?. Dabanga Radio TV Online (17 студзеня 2022). Праверана 29 ліпеня 2024.
11. ↑ Saeed. كيان غاضبون يدشن حملة الكترونية لفضح انتهاكات الشرطة (ар.). Dabanga Radio TV Online (16 сакавіка 2023). Праверана 29 ліпеня 2024.
12. ↑ Justice and conflict in Sudan. (нявызн.). Redress (31 сакавіка 2023).
13. ↑ "غاضبون بلا حدود" تصدر بيانًا عن مقاتليها - الزاوية نت (ар.) (13 красавіка 2024). Праверана 30 ліпеня 2024.
14. ↑ The democratic government free of army involvement is a shimmering future in Sudan - Robert Lansing Institute (англ.)  (нявызн.) ? (8 красавіка 2024). Праверана 13 ліпеня 2024.
15. ↑ ADF. Some Sudanese Youth Groups Take Up Arms to Fight Alongside SAF (англ.)  (нявызн.) ?. Africa Defense Forum (17 кастрычніка 2023). Праверана 13 ліпеня 2024.
16. ↑ "Sudan: Fighting in Capital Causes 'Humanitarian Catastrophe' in El Shajara". Dabanga(англ.). 2023-08-29. Праверана 2024-07-13.
17. ↑ غاضبون بلا حدود تصدر بيانًا على خلفية لقاء عضويتها بعبدالفتاح البرهان (нявызн.). Ultra Sudan (16 красавіка 2024).
18. ↑ ADF. Some Sudanese Youth Groups Take Up Arms to Fight Alongside SAF (англ.)  (нявызн.) ?. Africa Defense Forum (17 кастрычніка 2023). Праверана 13 ліпеня 2024.