Зоркаўка балотная

Зоркаўка балотная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Макрыцавыя Трыба:  Alsineae Род:  Зоркаўка Від:  Зоркаўка балотная
Міжнародная навуковая назва
Stellaria palustris Ehrh. ex Hoffm., 1791
Сістэматыка на Віківідах Выявы на Вікісховішчы ITIS   20191 NCBI   1137917 EOL   587674 IPNI   329698-2 TPL   kew-2482617

Зоркаўка балотная^[1] (Stellaria palustris) — від кветкавых раслін роду Зоркаўка (Stellaria) сямейства Гваздзіковыя (Caryophyllaceae).

Шматгадовая травяністая расліна, 15—35 см вышынёй. Сцябло ад прамога да ўзыходзячага, мала разгалінаванае, 4-кутнае, гладкае, бліскучае або часам ніжняя частка трохі шурпатая. Лісце супраціўнае, без тронка, ад вузкаланцэтнага да эліптычнага, гладкае, 1-жыльнае, з суцэльнымі краямі, часта блакітна-зялёнае. Суквецце 2—12-кветкавае, звычайна няшчыльнае, 2-разгалінаванае. Вяночак радыяльна-сіметрычны, белы, ≈ 12—20 мм шырынёй; пялёсткаў 5, глыбока 2-лопасцевыя (выглядае як 10 пялёсткаў), даўжынёй 6—13 мм, даўжэй, чым чашалісцікі. Чашалісцікаў 5, голых, шырока перапончатых, відавочна, 3-жыльных. Тычынак 10. Плод — яйкападобная, жаўтлява-карычневая, 6-клапанная, каробачка даўжынёй 7—9 мм.

Від распаўсюджаны ў Еўропе і ўмераных абласцях Азіі; інтрадукаваны ў правінцыі Квебек^[2][3][4].

Святлолюбівая расліна, гіграфіт, мезатроф^[5]. Расце па берагах вадаёмаў, у прыбярэжных і пойменных хмызняках, на вільготных і забалочаных лугах і балотах.

Ва Украіне від расце на вільготных тарфяных лугах, тарфяных балотах на Палессі, звычайна ў лесастэпе, спарадычна; у стэпе, вельмі рэдка.

• Губанов И. А., Киселёва К. В., Новиков В. С., Тихомиров В. Н. 566. Stellaria palustris L. — Звездчатка болотная // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2003. — Т. 2. Покрытосеменные (двудольные: раздельнолепестные). — С. 175. — ISBN 9-87317-128-9.

• Звездчатка // Архив природы России Архівавана 23 мая 2022. (руск.)
• Stellaria palustris Retz. 1795, Fl. Scand. Prodr. ed. 2:106 — Звездчатка болотная // Биоразнообразие Алтае-Саянского экорегиона (руск.)
• Stellaria palustris Ehrh. ex Retz. (Звездчатка болотная, Caryophyllaceae // Информационная система идентификации растительных объектов на основе карпологических, палинологических и анатомических данных) (руск.)
• 24. Stellaria palustris Ehrhart ex Hoffmann, Deutschl. Fl. 1: 152. 1791. // Flora of North America (англ.)