Зыгмунт Мілашэўскі

Зыгмунт Мілашэўскі
Зыгмунт Мілашэўскі
	польск.: Zygmunt Miłoszewski
Асабістыя звесткі
Дата нараджэння	8 мая 1976 (49 гадоў)
Месца нараджэння	Варшава, Варшаўскае сталічнае ваяводства, Польская Народная Рэспубліка;
Грамадзянства	Польшча;
Жонка	Marta Miłoszewska[d]
Прафесійная дзейнасць
Род дзейнасці	журналіст, пісьменнік, рэдактар
Жанр	проза, альтэрнатыўная гісторыя[d] і крымінальная літаратура[d]
Мова твораў	польская
Прэміі	prix Caméléon[d] (2019) Nagroda Wielkiego Kalibru[d] (2008) Nagroda Wielkiego Kalibru[d] (2012)
Узнагароды	Пашпарт «Палітыкі»[d] (2015)
	Медыяфайлы на Вікісховішчы

Зыгмунт Мілашэўскі (польск.: Zygmunt Miłoszewski; нар. 8 траўня 1976, Варшава, Польшча) — польскі пісьменнік, публіцыст, сцэнарыст, аўтар крымінальных і прыгодніцкіх раманаў.

Біяграфія

Зыгмунт Мілашэўскі нарадзіўся 8 траўня 1976 года ў Варшаве. Не мае вышэйшай адукацыі^[2].

У 1995 годзе пачаў працаваць журналістам у выданні «Super Express», дзе пісаў рэпартажы з судовых залаў. З 2003 да 2008 года працаваў у «Newsweek Polska».

Жанаты з тэатральнай рэжысёрцы Марце Мілашэўскай^[3].

Творчасць

Дэбютаваў у 2004 годзе ў штотыднёвіку «Polityka» з апавяданнем «Гісторыя кашалька» (польск.: Historia portfela).

Аўтар раманаў:

«Дамафон» (польск.: Domofon, 2005) — хорар, які адбываецца ў панэльным доме.
«Змяіныя горы» (польск.: Góry Żmijowe, 2006) — фантастычная казка для дзяцей.
«Заблытанасць» (польск.: Uwikłanie, 2007) — першы раман пра пракурора Тэадора Шацкага, дзеянне адбываецца ў Варшаве.
«Доля праўды» (польск.: Ziarno prawdy, 2011) — другі раман трылогіі адбываецца ў Сандамежы.
«Гнеў» (польск.: Gniew, 2014) — заключная частка трылогіі адбываецца ў Ольштыне.
«Бясцэнны» (польск.: Bezcenny, 2013) — трылер пра вяртанне зніклых твораў мастацтва.
«Як заўжды» (польск.: Jak zawsze, 2017) — палітычная фантастыка.
«Пытанне цаны» (польск.: Kwestia ceny, 2020) — трылер.
«Гідраполіс: Уцякай» (польск.: Hydropolis: Uciekaj, 2022) — першы том трылогіі для падлеткаў.
«Гідраполіс: Змагайся» (польск.: Hydropolis: Walcz, 2023) — другі том трылогіі для падлеткаў.

Пераклады і экранізацыі

Кнігі Мілашэўскага выдадзены за мяжой. Яны перакладзены на англійскую, французскую, нямецкую, расійскую, украінскую, іўрыт, японскую, італьянскую, іспанскую і іншыя мовы^[4]. На беларускай мове дэтэктыў «Доля праўды» выйшаў у 2015 годзе ў перакладзе Марыны Казлоўскай у выдавецтве «Логвінаў»^[5].

Некалькі ягоных раманаў былі экранізаваны «Заблытанасць» (польск.: Uwikłanie, 2011 год), «Доля праўды» (польск.: Ziarno prawdy, 2015 год). У 2015 годзе на польскім тэлеканале TVP выйшаў серыял «Пракурор» (польск.: Prokurator) пра героя раманаў Малішэўскага Тэадора Шацкага^[6].