Кальварыйскія могілкі (Барысаў)

Кальварыйскія могілкі
54°15′16″ пн. ш. 28°33′59″ у. д.HGЯO
Размяшчэнне
Краіна	Беларусь
Вобласць	Мінская вобласць
Раён	Барысаўскі раён
Месцазнаходжанне	Вуглы
Гісторыя
Дата заснавання	XIX стагоддзе
Медыяфайлы на Вікісховішчы

Кальварыйскія могілкі, або Кальварыя^[1] — каталіцкія могілкі горада Барысава, размешчаныя ў вёсцы Вуглы, на паўночны ўсход ад горада.

Могілкі былі заснаваны ў пачатку XIX стагоддзя, калі побач з каталіцкай капліцай пачалі хаваць нябожчыкаў.

У XIX стагоддзі на могілках узведзена цагляная капліца ў стылі класіцызму^[2].

У пачатку XX стагоддзя на месцы старой была пабудавана новая драўляная капліца^[3][4]. Паводле мясцовай легенды, яна ўзведзена панам на месцы, дзе яго сляпая дачка ўбачыла постаць Езуса^[5].

Капліцу з бакоў атачалі 4 каплічкі, у якіх знаходзіліся постаці евангелістаў. Акрамя гэтага, на могілках стаялі яшчэ 12 капліцаў са стацыямі Крыжовага Шляху^[6].

Пасля закрыцця касцёла Нараджэння Найсвяцейшай Дзевы Марыі ў капліцы на могілках знаходзіўся цэнтр барысаўскай каталіцкай парафіі^[6]. Капліца была знішчана ў 1950-я гады^[2], паводле іншых звестак была разабраная ноччу вайскоўцамі ў 1961 годзе^[5].

У 1995 годзе на месцы старой капліцы пабудавана новая з цэглы.

• Віктар Шутовіч (1890—1960) — беларускі каталіцкі святар, публіцыст.

• На Вікісховішчы ёсць медыяфайлы па тэме Кальварыйскія могілкі (Барысаў)
• Кальварыйскія могілкі (Барысаў) на сайце Radzima.org
• Кальварыйскія могілкі (Барысаў) на сайце Глобус Беларусі (руск.)