Калікст Мержаеўскі

Калікст Мержаеўскі
Шэліга
маршалак шляхты Брэсцкага павета
маршалак шляхты Гродзенскай губерні 1818 — 1819
Папярэднік	Францішак Ксаверый Друцкі-Любецкі
Пераемнік	Казімір Грабоўскі[d]
Нараджэнне	каля 1786
Смерць	19 красавіка 1854(1854-04-19) Нэплі[d], Гміна Тэрэспаль, Бяльскі павет, Польшча
Месца пахавання	Нэплі[d]
Род	Мержаеўскія[d]
Бацька	Юзаф Войцех Межаеўскі[d]
Маці	Аляксандра з Задарноўскіх[d]
Жонка	Юлія з Арэшкаў[d]
Дзеці	Юзэфа з Мержаеўскіх[d]
Член у	Сябры чалавецтва Шчаслівае вызваленне Ніжэйшы капітул «Святыні Спакою»

Калікст Мержаеўскі (польск.: Kalikst Mierzejewski; каля 1786 — 19 красавіка 1854, Нэплі) — дзяржаўны службовец.

Паходзіў са шляхецкага роду Мержаеўскіх герба «Шэліга». Нарадзіўся каля 1786 года ў сям’і Юзафа Войцеха Мержаеўскага і Аляксандры з Задарноўскай.

У час вайны 1812 года 3 ліпеня быў выбраны дэлегатам на Генеральную Канфедэрацыю Каралеўства Польскага ад Брэсцкага павета. У 1817 годзе маршалак шляхты Брэст-Літоўскага павета. У 1818—1819 г. — гродзенскі губернскі маршалак, памешчык Брэсцкага і Пружанскага паветаў і Каралеўства Польскага. Дэпутат (пасол) сеймаў 1820 і 1830 г. «Быў у сяброўстве і сакрэтных зносінах з бунтаўшчыком маршалкам шляхты Брэсцкага павета Карлам Нямцэвічам наконт арганізацыі мецяжу», — гаварылася ў дакументах следства пасля паўстання 1830—1831 гадоў.

Сябра масонскай ложы «Сябры чалавецтва» ў Гродне, майстар стула ў 1818, масон 4-й ст.; сябра ложы 5-й ст. у 1819, 7-й ст. — у 1821 годзе; ганаровы сябра ложы «Шчаслівага Вызвалення» ў Нясвіжы, масон 7-й ст. у 1820—1821; сябра ніжэйшага капітула «Святыні Спакою» ў Нясвіжы, масон 7-й ст. у 1820.

Памёр 19 красавіка 1854 года ў в. Нэплі (цяпер Польшча). Пахаваны там жа, у паркавай капліцы.

У шлюбе з Юліяй з Арэшкаў (?1780-1867), дачкой Бенядыкта Арэшкі і Элеаноры з Урсын-Нямцэвічаў. Дзеці:

• Ірэна (1813—1891), у шлюбе з Францішкам Багуслаўскім (нар. 1812).
• Юліюш Аўгуст (1817—1828).
• Юзэфа (нар. каля 1820), у шлюбе з Феліксам Ягмінам (нар. 1799).
• Аляксандра (нар. каля 1820).
• Канстанцыя (нар. каля 1820).
• Эмілія (нар. каля 1820), у шлюбе з Эдвардам Рокелем.
• Цэзар Аляксандр (1823—1826).

• Раюк, А. Р. Нефармальныя сувязі паміж дваранствам Гродзенскай губерні ў 1801—1863 гг. / А. Р. Раюк // Пытанні мастацтвазнаўства, этналогіі і фалькларыстыкі / Цэнтр даследаванняў беларускай культуры, мовы і літаратуры НАН Беларусі; навук. рэд. А. І. Лакотка. — Мінск : Права і эканоміка, 2016. — Вып. 21. — С. 240—246.
• Швед, В. В. Мержэеўскі (Мержэйеўскі, Мержыеўскі) Калікстрат (Калікст) Юзэфавіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.

Памылка Lua у Модуль:External_links на радку 45: assign to undeclared variable 'link'.