Канстанцін Міхайлавіч Бандарэнка

Канстанцін Міхайлавіч Бандарэнка
Дата нараджэння	6 чэрвеня 1951(1951-06-06) (73 гады)
Месца нараджэння	Кучын, Курганіцкі сельсавет, Кармянскі раён, Гомельская вобласць, БССР, СССР
Грамадзянства	Беларусь
Род дзейнасці	выкладчык універсітэта
Месца працы	МДУ імя А. А. Куляшова
Навуковая ступень	доктар гістарычных навук
Альма-матар	МДУ імя А. А. Куляшова БДУ
Узнагароды

Канстанцін Міхайлавіч Бандарэнка (6 чэрвеня 1951, в. Кучын, Кармянскі раён, Гомельская вобласць) — беларускі гісторык. Доктар гістарычных навук (2016), дацэнт (1987).

Скончыў Магілёўскі дзяржаўны педагагічны інстытут (спецыяльнасць «Гісторыя», 1976), Беларускі дзяржаўны ўніверсітэт імя У. І. Леніна (аспірантура, 1982).

Працаваў у Магілёўскім дзяржаўным універсітэце імя А. А. Куляшова (з 1976; гісторыка-філалагічны факультэт, кафедра гісторыі Беларусі і ўсходніх славян, прафесар, у 1992—2002 — загадчык кафедры, 2000—2003 — рэктар ІПК і ПК, 2003—2017 — рэктар універсітэта)^[1].

Навуковыя інтарэсы: гісторыя палітычных партый Расіі і Беларусі пачатку XX ст.

Паводле справаздачы, падрыхтаванай Польскім фондам свабоды і дэмакратыі, на пасадзе рэктара Магілёўскага дзяржаўнага ўніверсітэта імя Аркадзя Куляшова Канстанцін Бандарэнка быў адказны за адлічэнні студэнтаў за іх палітычную дзейнасць^[2].

Узнагароды: званне «Заслужаны работнік адукацыі Рэспублікі Беларусь», медаль СССР «За працоўную доблесць» і інш^[3].