Кармеліцкая вуліца (Мсціслаў)

Кармеліцкая вуліца Мсціслаў
Агульная інфармацыя
Краіна	Беларусь
Рэгіён	Магілёўская вобласць
Горад	Мсціслаў
Працягласць	390 м
Медыяфайлы на Вікісховішчы

Кармеліцкая вуліца — вуліца ў цэнтральнай частцы г. Мсціслава Магілёўскай вобласці. Часткова пешаходная.

Назва паходзіць ад кармеліцкага кляштара, размешчанага ў пачатку вуліцы. За савецкім часам перайменавана ў Першамайскую вуліцу. У верасні 2016 года да абласнога фестывалю-кірмаша «Дажынкі» частцы вуліцы вернута гістарычная назва^[1]. Згодна з іншай інфармацыяй, назву Кармеліцкая раней насіла вуліца Кірава^[2].

Арыентавана з паўночнага захаду на паўднёвы ўсход. Размешчана паміж вуліцамі Юрчанкі і Леніна, да якіх паралельна. Складаецца з двух адрэзкаў. Першы пачынаецца ад скрыжавання з вуліцай Кірава і завяршаецца каля будынка Мсціслаўскага дзяржаўнага будаўнічага прафесійна-тэхнічнага каледжа, недаходзячы да вуліцы Савецкай. Другі, пешаходны, адрэзак пачынаецца ад вуліцы Савецкай, з паўднёвага захаду прымыкае пешаходная Пірагоўская вуліца, пасля скрыжавання з Пралетарскай вуліцай пераходзіць у Першамайскую вуліцу. Даўжыня вуліцы складае каля 390 м.

• Касцёл Святога Міхаіла Арханёла і кляштар езуітаў (1745—1750) —  Гісторыка-культурная каштоўнасць Беларусі, шыфр 512Г000510шыфр 512Г000510

• № 14 — будынак былой мужчынскай гімназіі (XIX стагоддзе) —  Гісторыка-культурная каштоўнасць Беларусі, шыфр 513Г000509шыфр 513Г000509

Квартал паміж вуліцамі Пірагоўскай і Савецкай займае парк Міру.

• Помнік Пятру Мсціслаўцу (1986)
• Мемарыяльная дошка Дзмітрыю Емяльянавічу Астапенку, Аркадзю Аляксандравічу Куляшову, Юлію Абрамавічу Таўбіну. Устаноўлена ў 1986 годзе на будынку былога педагагічнага тэхнікума (дом № 14), у якім у 1928—1931 гг. вучыліся гэтыя беларускія савецкія паэты.
• Мемарыяльная дошка Якубу Коласу. Устаноўлена ў 1986 годзе на будынку былога педагагічнага тэхнікума (дом № 14), перад навучэнцамі i педагогамі якога ў 1925 годзе выступаў паэт.

• На Вікісховішчы ёсць медыяфайлы па тэме Кармеліцкая вуліца (Мсціслаў)