Пірагоўская вуліца

Пірагоўская вуліца Мсціслаў
Агульная інфармацыя
Краіна	Беларусь
Рэгіён	Магілёўская вобласць
Горад	Мсціслаў
Працягласць	450 м
Медыяфайлы на Вікісховішчы

Пірагоўская вуліца — пешаходная вуліца ў цэнтральнай частцы горада Мсціслава Магілёўскай вобласці.

Пірагоўская вуліца ўпершыню згадваецца ў 1645 годзе. Назву, верагодна, атрымала з прычыны таго, што выводзіла на дарогу, што вяла ў бок сучаснай вёскі Пірагова^[1]. За савецкім часам перайменавана ў вуліцу Урыцкага. У верасні 2016 года да абласнога фестывалю-кірмаша «Дажынкі» частцы вуліцы вернута гістарычная назва^[2].

Арыентавана з паўночнага ўсходу на паўднёвы захад. Размешчана паміж вуліцамі Савецкай і Пралетарскай, да якіх паралельна. Пачынаецца ад скрыжавання з Кармеліцкай вуліцай у яе пешаходнай частцы каля былога кляштар езуітаў, перасякае вуліцы Леніна, Камсамольскую, Калініна ў яе пешаходнай частцы, з паўночнага захаду прымыкае плошча Пятра Мсціслаўца, пасля скрыжавання з вуліцай Варашылава пераходзіць у вуліцу вуліцу Урыцкага. Даўжыня вуліцы складае каля 450 м.

• (вул. Кармеліцкая, 14) — будынак былой мужчынскай гімназіі (XIX стагоддзе) —  Гісторыка-культурная каштоўнасць Беларусі, шыфр 513Г000509шыфр 513Г000509

• (вул. Леніна, 30) — сабор Святога Аляксандра Неўскага (1870) —  Гісторыка-культурная каштоўнасць Беларусі, шыфр 512Г000507шыфр 512Г000507
• № 5 (вул. Калініна, 27) — гандлёвыя рады (пачатак ХХ стагоддзя) —  Гісторыка-культурная каштоўнасць Беларусі, шыфр 513Г000503шыфр 513Г000503

• (вул. Леніна, 28) — будынак былой земскай управы (канец XIX — пачатак XX cтагоддзя) —  Гісторыка-культурная каштоўнасць Беларусі, шыфр 513Г000506шыфр 513Г000506
• (вул. Калініна, 21) — будынак Мсціслаўскага раённага выканаўчага камітэта.
• № 6 — Палац шлюбаў і ўрачыстасцей. Перабудаваны да Дажынак-2016 з будынка кінатэатра «Мір».

Квартал паміж вуліцамі Кармеліцкай і Леніна займае парк Міру.

• На Вікісховішчы ёсць медыяфайлы па тэме Пірагоўская вуліца