Касцёл Найсвяцейшай Тройцы (Стараселле)

Славутасць
Касцёл Найсвяцейшай Тройцы
54°19′14″ пн. ш. 30°06′05″ у. д.HGЯO
Краіна	Беларусь
Месцазнаходжанне	Стараселле
Архітэктурны стыль	беларускае народнае дойлідства і барока
Дата пабудовы	XVIII стагоддзе
Дата скасавання	1939

Касцёл Найсвяцейшай Тройцы — колішні каталіцкі храм у вёсцы Стараселле Шклоўскага раёна.

Быў пабудаваны ў XVIII стагоддзі. На 1913 год налічвалася каля 1200 парафіян. Знішчаны савецкай уладай у 1939 годзе.

Храм быў вырашаны ў традыцыях народнага драўлянага дойлідства пад уплывам стылю барока. Уяўляў сабой магутны, выцягнуты па падоўжнай восі прамавугольны зруб, што пераходзіў у вузейшую пяцігранную апсіду, двухсхільны гонтавы дах над якой пераходзіў у вальмавы і быў завершаны чацверыковай купальнай сігнатуркай. Сілуэт галоўнага фасада фарміравалі 2 чацверыковыя вежы з фігурнымі барочнымі купаламі. На фоне вертыкальнай шалёўкі вылучаліся высокія прамавугольныя аконныя праёмы. Справа перад касцёлам стаяла двух’ярусная чацверыковая шатровая званіца з адкрытым верхнім каркасным ярусам.

• 1895—1905 — Ігнат Урбановіч
• 1906—1930? — Юзаф Францавіч Вярыга

• Касцёл // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 459-460. — 488 с. — ISBN 978-985-11-0395-5.

• На Вікісховішчы пакуль няма медыяфайлаў па тэме, але Вы можаце загрузіць іх