Касцёл Святога Язафата Кунцэвіча (Расоны)

Касцёл
Касцёл Святога Язафата Кунцэвіча
55°53′56″ пн. ш. 28°48′21″ у. д.HGЯO
Краіна	Беларусь
Гарадскі пасёлак	Расоны
Канфесія	Рымска-каталіцкая царква
Епархія	Віцебская дыяцэзія
Благачынне	Полацкі дэканат
Будаўніцтва	2005—2010 гады
Глобус Беларусі	globustut.by/rossony/ind…
Медыяфайлы на Вікісховішчы

Касцёл Святога Язафата Кунцэвіча — мураваны каталіцкі храм у гарадскім пасёлку Расонах Віцебскай вобласці. Знаходзіцца на вуліцы Савецкай, 28.

Будаўніцтва касцёла распачалося ў 2005 годзе. 18 верасня 2010 года біскуп віцебскі Уладзіслаў Блін на ўрачыстай святой імшы асвяціў касцёл ў гонар уніяцкага полацкага архіепіскапа Язафата Кунцэвіча (1580—1623), кананізаванага каталіцкай царквой. Прабошчам касцёла з’яўляецца ксёндз Вячаслаў Барок^[1].

У абліччы храма прысутнічаюць элементы готыкі. У адну са сцен умураваны фрагмент храма, а вежу ўпрыгожвае крыж з касцёла ў вёсцы Гарбачэва, які пры савецкай уладзе быў разбураны^[2].

Сцены распісаны сюжэтамі, якія ўзыходзяць да творчасці італьянскага мастака Джота дзі Бандонэ. Аўтарам фрэсак з’яўляецца мастак Уладзімір Кандрусевіч^[3].

• Варта паехаць у Расоны / І. Жарнасек // Ave Maria. — 2011. — № 12. — С. 28—29.

• Касцёл Святога Язафата Кунцэвіча (Расоны) на сайце Catholic.by (бел.)
• Касцёл Святога Язафата Кунцэвіча (Расоны) на сайце Глобус Беларусі (руск.)