Княжацкі храм (Полацк)

Праваслаўны храм
Княжацкі храм
Царква на дзядзінцы
Краіна	Полацкае княства
Горад	Полацк
Архітэктурны стыль	полацкая школа дойлідства

Княжацкі храм — колішні праваслаўны храм у Полацку, які існаваў у 12—16 ст^[1]. Помнік полацкай школы дойлідства.

Падмурак і сцены храма былі выяўлены М. Каргерам у час археалагічных раскопак 1966—1967 гг.^[1] непадалёку ад Сафійскага сабора на тэрыторыі княжацкага двара.

Царква ўяўляе сабой мураваны шасціслуповы будынак памерам 24×16 м меў тры нефы, з якіх галоўны завяршаўся апсідай, а бакавыя — нішамі, утопленымі ў тоўшчу ўсходняй сцяны. Падкупальная прастора, як і ў іншых полацкіх храмах, верагодна, таксама была ссунута на захад, а да асноўнага аб'ёма з трох бакоў прымыкалі прытворы, паўднёвы і паўночны з якіх завяршаліся апсідамі. Выразны вежападобны сілуэт царкве надавалі выкарыстаныя закамарнае перакрыцце і какошнікі, складанага профілю лапаткі, манументальнае, накшталт партала, вырашэнне галоўнага ўвахода на заходнім фасадзе^[2].

Інтэр’ер быў аздоблены фрэскамі, падлога выкладзена з паліваных керамічных плітак^[1].

• Полацкі княжацкі храм // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. С. 463—464.
• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

• Княжацкі храм (Полацк) на сайце «Архіварта»