Колер кахання

Колер кахання
Колер кахання;
Рэжысёр	Аляксандр Дзмітрыевіч Канановіч;
Працягласць	19 хв.
Краіна	Беларусь;
Мова	беларуская
Год	2005
IMDb	ID 6600960

«Ко́лер каха́ння» (руск.: Цвет любви) — беларускі кароткаметражны мастацкі фільм, зняты у 2005 годзе на Нацыянальнай кінастудыі «Беларусьфільм» пры ўдзеле Міністэрства культуры Рэспублікі Беларусь, а таксама Беларускай дзяржаўнай акадэміі мастацтваў і Усерасійскага дзяржаўнага інстытута кінематаграфіі імя С. А. Герасімава. З’яўляецца дыпломнай працай рэжысёра Аляксандра Канановіча пры ўдзеле Дзмітрыя Лася (майстэрня народнага артыста Рэспублікі Беларусь Міхаіла Пташука), а таксама дыпломнай працай аператара Аляксея Арсенцьева (майстэрня Л. І. Калашнікава, А. Г. Рыбіна, В. А. Дабравіцкага).^[1]

Сюжэт

Канец XIX стагоддзя. З Пецярбурга ў Мінск едзе Леанард — малады, горача закаханы герой, каб ажаніцца на беларускай дзяўчыне. І нявеста яго любіць, і бацькі іх дабраслаўляюць, і вось ужо павінна адбыцца вяселле… Бацька нявесты, багаты беларускі шляхціц, пакідае за дачкой багаты пасаг. І нічога не прадвесціць непрыемнасцяў, але нечакана Леанард трапляе ў недарэчную сітуацыю, выхад з якой знайсці немагчыма. Усе планы бурацца, вяселле адмяняецца, а малады жаніх становіцца аб’ектам для кпінаў і ворагам сям’і нявесты.

У ролях

Акцёр	Роля
Пётр Юрчанкоў мл.	Леанард Леанард
Юлія Кадушкевіч	нявеста
Аляксандр Бяспалы	цесць
Таццяна Жданава	цешча-персіянка
Аляксандр Парфеновіч	Мартын Мартын
Алеся Пухавая	фарбоўшчыца
Ігар Кашэўскі	раганосец
Алег Корчыкаў	лазеншчык
Маргарыта Громава	знахарка
Маша Возба, Даша Бранкевіч, Каця Сямёнава, Оля Лупач	дачкі-п’яўкі
Ліка Пташук	кветачніца
Міша Якуцін	негрыцёнак
Яна Буйко, Ірына Патушка, Віталь Краўчанка, Сяргей Бароўскі	служкі

Здымачная група

рэжысёр-пастаноўшчык — Аляксандр Канановіч (пры ўдзеле Дзмітрыя Лося)
аператар — Аляксей Арсенцьеў
аўтар сцэнарыя — Аляксандр Канановіч (па матывах аднайменнага кінасцэнарыя Аляксея Дударава, Міхаіла Пташука)
мастакі па касцюмах — сёстры Парфяновіч
мастак-грымёр — Аляксандр Журба
падбор акцёраў — Валянціна Бялько
мантаж — Ліля Бурдукова
кінарэжысёр — Яўген Сяцько
рэжысёр масоўкі — Людміла Дуброўская
асістэнты: рэжысёра — Анна Цімошчанка, Антон Ганчар; аператара — Алег Аляксееў; гукарэжысёр — Яўген Рагозін; гукааператар — Аляксандр Голуб
мастак-дэкаратар — Валер Юркевіч
асістэнт грымёра — Галіна Саўніна
рэквізіт — Анна Афансьева
кампутарная графіка — Павал Аўраменка
рэдактар — Кацярына Панамарова
адміністратар — Фёдар Кавалёў
намеснік дырэктара — Людміла Дружына
дырэктар карціны — Таццяна Афанасьева
музыка — гурт «Крамбамбуля»: Лявон Вольскі, Сяргей Канановіч, Аляксандр Быкаў, Аляксандр Хаўкін, Андрэй Лукашэвіч (кантрабас)

Узнагароды

Гран-пры XII кінафестываля «Святая Анна», горад Масква, 2005 год.
Прыз глядацкіх сімпатый, дыплом за найлепшую ўвасаблёную задуму – XXV міжнародны кінафестываль ВГИК. Горад Москва, 2005 год.
Прыз імя народнага артыста РБ кінарэжысёра М. Н. Пташука «За найлепшую студэнцкую працу – VI Нацыянальны кінафестываль «Хрустальный Аист», горад Брест, 2005 год.
Найлепшы Short лістапада – незалежны фестываль кароткаметражнага кіно «SHORTЫ», горад Санкт-Пецярбург, 2005 год.
Удзельнік фестываляў «КИНОШОК» горад Анапа, «ЗОЛОТОЙ ВИТЯЗЬ» горад Чалябінск.
Найлепшая аператарская праца II-га міжнароднага студэнцкага фестываля экранных мастацтваў (Чалябінск, 2007).