Краснаполле (Расонскі раён)

Краснаполле
Краіна	Беларусь
Вобласць	Віцебская
Раён	Расонскі
Сельсавет	Краснапольскі
Каардынаты	55°48′47″ пн. ш. 29°15′53″ у. д.HGЯO
Насельніцтва	685 чалавек (2010)
Часавы пояс	UTC+3
Тэлефонны код	+375 2159
Аўтамабільны код	2
СААТА	2242825041
	Краснаполле на Вікісховішчы

Краснапо́лле^[1] (трансліт.: Krasnapollie, руск.: Краснополье) — аграгарадок у Расонскім раёне Віцебскай вобласці. Уваходзіць у склад Краснапольскага сельсавета.

Знаходзіцца за 34 км у кірунку на паўднёвы ўсход ад гарадскога пасёлка Расоны, за 155 км ад Віцебска, на рацэ Дрыса^[2].

Гісторыя

У 1931—1954 гадах цэнтр Старадворскага сельсавета. З 1966 года цэнтр Краснапольскага сельсавета.

У 2008 годзе вёска пераўтворана ў аграгарадок, у склад увайшлі вёскі Зарэчча, Слабада, Карпіна^[3].

Насельніцтва

1998 год — 328 жыхароў, 149 двароў^[2]
1999 год — 373 жыхары
2010 год — 685 жыхароў^[3]

Памятныя мясціны

Брацкая магіла савецкіх воінаў.

У літаратуры

Маёнтак Краснаполь на беразе Дрысы згадваецца ў апавяданні «Успаміны пра наведванне роднага краю» са зборніка «Шляхціц Завальня, або Беларусь у фантастычных апавяданнях» Яна Баршчэўскага. Паводле паданняў, запісаных Баршчэўскім, там яшчэ за паганскімі часамі жыў князь Бой, што выславіўся на Белай Русі як магутны асілак. Ён меў моцных сабак з імёнамі Стары і Гаўры, што маглі перамагчы ў баі мядзведзя і часта ратавалі свайго гаспадара. Калі сабакі памерлі ад старасці, ім былі прызначаны ўрачыстыя дні, і дагэтуль людзі ў той мясцовасці спраўляюць тое свята раз на год — перад Сёмухаю.

Крыніцы

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
↑ ^а ^б Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш.. — Мн.: БелЭн, 1999. — Т. 8. — С. 458. — 576 с. — 10 000 экз. — ISBN 985-11-0144-3.
↑ ^а ^б Дзяржкартгеацэнтр(недаступная спасылка)

Літаратура

Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш.. — Мн.: БелЭн, 1999. — Т. 8. — С. 458. — 576 с. — 10 000 экз. — ISBN 985-11-0144-3.
Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 13. — 72 с. — 10 000 экз. — ISBN 978-985-508-136-5. (руск.)