Культура Лас-Вегас

Лас-Вегас
Дакерамічны перыяд у Андах
Лас-Вегас; Дакерамічны перыяд у Андах
Геаграфічны рэгіён	Паўднёвая Амерыка
Лакалізацыя	Эквадор
Датаванне	8000 да н.э. — 4600 да н.э.
Носьбіты	палеаіндзейцы
Тып гаспадаркі	рыбалоўства, паляванне, земляробства

Культура Лас-Вегас — комплекс паселішчаў позняга плейстацэну і галацэну ўздоўж узбярэжжа сучаснага Эквадора, якая ўзнікла паміж 8000 да н. э. і 4600 да н. э. Культура Лас-Вегас уяўляе сабой «раннюю аселую адаптацыю да экалагічна складанага прыбярэжнага асяроддзя»^[1].

31 археалагічны помнік дадзенай культуры быў выяўлены на эквадорскім паўвостраве Санта-Элена — біялагічна складаным трапічным экатоне. Датаванне пацверджана радыёвугляродным аналізам^[2].

Людзі культуры Лас-Вегас займаліся паляваннем і збіральніцтвам, а акрамя таго, валодалі прымітыўнымі тэхналогіямі сельскай гаспадаркі. Былі выяўленыя касцяныя іголкі і лапатка, якія маглі выкарыстоўвацца для вырабу сетак або тканін, а таксама розныя прылады і ёмістасці з ракавін; мяркуецца, што выкарыстоўваліся і такія матэрыялы, як драўніна, бамбук, галлё і кара^[3].

Хоць на ўзбярэжжы Эквадора муміі не былі выяўленыя, жыхары культуры Лас-Вегас былі падобныя на прадстаўнікоў сучаснай ім культуры Чынчора на паўночным узбярэжжы Чылі, ад якой захаваліся муміі.

Зноскі

↑ Stothert, Karen E. (July 1985). "The Preceramic Las Vegas Culture of Coastal Ecuador". American Antiquity. 50 (3): 613–637. doi:10.2307/280325. ISSN 0002-7316. Праверана 2007-05-16.
↑ Stothert, Karen E.; Dolores R. Piperno; Thomas C. Andres (Fall 2004). "New Evidence of Early Holocene Agriculture from the Coast of Ecuador: A Multidisciplinary Approach". Culture & Agriculture. 24 (2): 31–41. doi:10.1525/cag.2002.24.2.31. {{cite journal}}: |access-date= патрабуе |url= (даведка)
↑ Bryan, Alan L.. Chapter 2: The Original Peopling of Latin America (нявызн.). General History of Latin America. UNESCO (6 мая 2000). Праверана 16 мая 2007.