Кірылаўская вуліца (Кіеў)

Кірылаўская вуліца
Кіеў
Кірылаўская вуліца; Кіеў
	укр.: Кирилівська вулиця
Агульная інфармацыя
Краіна	Украіна
Горад	Кіеў
Акруга	Курэнёўка,; Абалонь,; Пэтрыўка,; Плоскае
Раён	Абалонскі,; Падольскі раён,; Шаўчэнкаўскі раён
Працягласць	5,1 км
Ранейшыя назвы	Плоская, Кірылаўская, Курэнёўская (част.), Імя Яжова (част.), Вышгарадская (част.), Фрунзэ
Назва ў гонар	Кірылаўская царква
Паштовы індэкс	04070
	на Яндэкс.Картах
	на Картах Google
	Медыяфайлы на Вікісховішчы

Кірылаўская вуліца (укр.: Кири́лівська ву́лиця) — вуліца ў Кіеве, мясцовасці Падол, Плоскае, Курэнёўка. Пралягае ад Яраслаўскай да Беліцкай вуліцы. Працягам вуліцы з’яўляецца Вышгарадская вуліца.

Гісторыя

З XVIII стагоддзя вуліца фігуравала пад назвай Плоская (назва паходзіць ад гістарычнай мясцовасці Плоскае). У 1869 году вуліца стала называцца Кірылаўскай (па назве Кірылаўскага манастыра).

У 2-й палове XIX стагоддзя частка вуліцы паміж Аленаўская вуліцай і Курэнёўкай пачала забудоўвацца пераважна прамысловымі прадпрыемствамі — тут узніклі цагляныя заводы, існавалі вялікія піўзаводы. У 1891 г. па вуліцы быў пракладзены адзін з двух маршрутаў конкі. У 1896 годзе трамвайная лінія была электрыфікавана і праходзіць тут і дагэтуль, з’яўляючыся найстарэйшай трамвайнай лініяй горада.

У 1935 годзе вуліцу перайменавалі ў гонар М. В. Фрунзэ (імя Фрунзэ). У 1939 годзе, пасля траплення ў няміласць савецкага наркама ўнутраных спраў М. І. Яжова, да вуліцы Фрунзэ далучылі вуліцу імя Яжова (раней званую Курэнёўскай вуліцай, вядомую з 2-й паловы XIX стагоддзя як цэнтральная дарога Курэнёўкі, у 1937—1939 гадах — імя Яжова), а таксама частку Вышгарадскай вуліцы.

22 студзеня 2015 года на сесіі Кіеўскага савета было прынята рашэнне аб вяртанні вуліцы гістарычнай назвы — Кірылаўская^[1]. Рашэнне было афіцыйна апублікавана і ўступіла ў сілу 27 лютага^[2].

Помнікі

Помнік Анатолю Кузняцову — памятны знак ахвярам Бабінага Яра. Скульптар Уладзімір Журавель. Бронза, 2009 г., вул. Кірылаўская, 109-В/1
Памятны знак электратранспартнікам, якія загінулі ў час Курэнёўскай трагедыі, вул. Кірылаўская, 132

Падалянам-ліквідатарам
Да 25-й гадавіны Чарнобыльскай катастрофы
Помнік Анатолю Кузняцову
Памятны знак электратранспартнікам, якія загінулі ў час курэнёўскай катастрофы
Помнік кіеўскаму трамваю, 1928 года выпуску (1987, дэмантаваны ў 2015 і перамешчаны ў музей^[3])

Фотаздымкі

Пачатак Кірылаўскай вуліцы. Выгляд з гары Шчэкавіца
Даходны дом, № 2/9
Царква Дзмітрыеўская (Канстанціна і Алены), дом № 8/6
Будынак рачнога вучылішча, дом № 9/3
Завод піваварны М. Рыхерта, дом № 35
ЗАТ «Піўзавод на Падоле», дом № 41
Галоўны корпус хірургічнай бальніцы І. і М. Зайцава, Кірылаўская вул., 61
Будынак кафлянага завода, Кірылаўская вул., 64
Акушэрская клініка Жаночага медыцынскага інстытута, дзе працаваў В. П. Пратапопаў (псіхіятр, акадэмік), Кірылаўская, 103
Комплекс вучылішча імя С. Грушэўскага
Кірылаўская вуліца ля Курэнёўскага парку
Курэнёўскі парк