Ларыса Паўлаўна Максімава

Ларыса Паўлаўна Максімава
Дата нараджэння	29 мая 1939(1939-05-29) (85 гадоў)
Месца нараджэння	Віцебск, Віцебская вобласць, БССР, СССР
Краіна	БССР, Рэспубліка Беларусь
Альма-матар	Беларуская дзяржаўная акадэмія музыкі
Месца працы	Нацыянальная дзяржаўная тэлерадыёкампанія Рэспублікі Беларусь
Музычная дзейнасць
Педагог	Рыгор Юдэлевіч Шаршэўскі
Прафесіі	піяністка, канцэртмайстар
Інструменты	фартэпіяна
Грамадская дзейнасць
Член у	БСТД
Узнагароды

Ларыса Паўлаўна Максімава (29 мая 1939, Віцебск, БССР) — беларуская піяністка, канцэртмайстар. Заслужаная артыстка Беларускай ССР (1982).

У 1964 годзе скончыла Беларускую кансерваторыю (клас Р. Шаршэўскага). З 1964 года — канцэртмайстар Нацыянальнай тэлерадыёкампаніі Беларусі.

Член Беларускага саюза тэатральных дзеячаў з 1984 года.

Выступае з вядучымі інструменталістамі і вакалістамі рэспублікі, інструментальнымі калектывамі, у тым ліку з ансамблем «Кантабіле», асаблівую ўвагу аддае прапагандзе беларускай музыкі. Зрабіла шмат запісаў для тэлебачання і радыё.

Аўтар і вядучая цыклаў канцэртаў «Рамантычная песня ХІХ стагоддзя» ў зале камернай музыкі Беларускай філармоніі (1990—1994), праграмы «У пошуках гармоніі» на Беларускім тэлебачанні (з 1997 года).

Музычны кіраўнік праграмы «Вянок няздзейсненых мар» на фестывалі, прысвечаным 170-годдзю з дня смерці Л. Бетховена (Бон, 1997).

• Максімава Ларыса Паўлаўна // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 545. — 10 000 экз. — ISBN 985-11-0035-8. — ISBN 985-11-0155-9 (т. 9).