Ларыса Уладзіміраўна Пакуш

Ларыса Уладзіміраўна Пакуш
Дата нараджэння	9 сакавіка 1943(1943-03-09) (82 гады)
Месца нараджэння	Вольск, Саратаўская вобласць, РСФСР, СССР
Грамадзянства	Беларусь
Род дзейнасці	эканаміст, дыпламат
Месца працы	Беларуская дзяржаўная сельскагаспадарчая акадэмія МДУ імя А. А. Куляшова Акадэмія кіравання пры Прэзідэнце Рэспублікі Беларусь
Навуковая ступень	доктар эканамічных навук
Альма-матар	эканамічны факультэт БДСГА
Узнагароды

Ларыса Уладзіміраўна Пакуш (нар. 9 сакавіка 1943, Вольск, Саратаўская вобласць) — беларускі вучоны-эканаміст, доктар эканамічных навук, прафесар, дыпламат.

Нарадзілася ў сям’і вайскоўца. Скончыла СШ № 36 г. Алматы (1960) з срэбным медалём і паступіла на эканамічны факультэт Беларускай сельскагаспадарчай акадэміі.

З 1965 года па 1983 год працавала ў БСГА — асістэнтам, старшым выкладчыкам, дацэнтам, загадчыкам кафедры эканамічнай тэорыі.

У 1972 годзе абараніла кандыдацкую дысертацыю на тэму: «Абгрунтаванне аптымальнай структуры збожжавай вытворчасці (на прыкладзе калгасаў і саўгасаў Віцебскай вобласці БССР)».

З верасня 1983 па верасня 1991 год працавала ў партыйных органах Магілёўскай вобласці — сакратаром Горацкага гаркама і абкама КПБ па ідэалагічнай працы.

З 1991 года па 1996 год — дацэнт кафедры эканамічнай тэорыі Магілёўскага педінстытута імя А. Куляшова.

У 1997 годзе прызначана Надзвычайным і Паўнамоцным паслом Рэспублікі Беларусь у Рэспубліцы Казахстан.

У 2003 годзе абараніла доктарскую дысертацыю на тэму «Удасканаленне гандлёва-эканамічных адносін Рэспублікі Беларусь і Рэспублікі Казахстан (канцэптуальныя структуры і механізм іх рэалізацыі)».

Некаторы час працавала прарэктарам па навуцы Акадэміі кіравання пры Прэзідэнце Рэспублікі Беларусь, дэканам эканамічнага факультэта Беларускай дзяржаўнай сельскагаспадарчай акадэміі, у цяперашні час — загадчык кафедры эканомікі і міжнародных эканамічных адносін у АПК у гэтай ВНУ.

Аўтар больш за 100 навуковых і навукова-метадычных прац, у тым ліку 6 манаграфій, 30 прац апублікавана за мяжой. Сааўтар двух навучальных дапаможнікаў.

Пад кіраўніцтвам Л. В. Пакуш абаронены дзве кандыдацкія дысертацыі, цяпер (лета 2013) кіруе 4 аспірантамі.

Узнагароджана Ганаровай граматай Савета Міністраў Рэспублікі Беларусь, граматамі Міністэрства замежных спраў Рэспублікі Беларусь, трыма медалямі і ордэнам «Достык» 2 ступені Рэспублікі Казахстан. Ганаровы прафесар Паўночна-Казахстанскага ўніверсітэта.

• 2024 — Медаль «За працоўныя заслугі»^[1].

• Могилевская область : Белорусская ССР / в соавт. и под ред. Л. В. Пакуш]. — Мн. : Беларусь, 1988. — 173 с.
• Жизнь, отданная зоотехнической науке : [Об акад. К. М. Солнцеве / в соавт.- Горки : БСХА, 1997. — 27 с — (Серия «Выдающиеся педагоги и воспитанники БСХА».
• Микроэкономическое регулирование сельского хозяйства Беларуси (в соавт.). -Астана: 2000 г. 244 с.
• Экономическое сотрудничество Беларуси и Казахстана. Состояние, проблемы, перспективы развития. — Челябинск: «Урал Л. Т. Д.» 2001 . 174 с.
• Из истории Белорусско-Казахстанских отношений. — Алматы: «Гылым». 2001. 131 с.
• Казахстан: Анализ торговой и инвестиционной политики (в соавт.). -Алматы-Астана: «Арклим» 2002 . 478 с.
• Беларусь-Казахстан: взаимовыгодное сотрудничество.- Костанай: 2003. 173 с.
• Возвращенные из небытия : [списки этнических белорусов, уроженцев Беларуси, подвергнутых репрессиям в Казахстане в 1937―1953 гг. / составители: Л. В. Пакуш, В. М. Лившиц]. — Горки:Отдел культуры Горецкого райисполкома, 2004. — 166с.
• Государственное регулирование переходной экономики / в соавт. — Мн.: : Право и экономика, 2008. — 489 с. — (Серия «Высшая школа бизнеса»).

• Сивцов В. П. Госпожа посол // Экономическому факультету Белорусской государственной сельскохозяйственной академии-80 лет.- Мн.: 2008.С.161-166.
• Летопись Белорусской государственной сельскохозяйственной академии (1840—2010), 5-е изд., испр. и доп. Авт.-сост. Соавт. А. А. Герасимович,В. М. Лившиц.-Горки: ред.- изд. отдел УО «БГСХА», 2010. С.53,102. ISBN 985-467-295-3

• Пакуш Л. В. на сайте Белорусского экономического портала. Галерея экономистов (Учёные-экономисты Беларуси) http://ekonomika.by/
• Пакуш Л. В. на сайце Беларускай дзяржаўнай сельскагаспадарчай акадэміі. http://www.baa.by/facultet/ekfac/kafedra/economiki/
• Пакуш Л. В. http://kazakhstan.mfa.gov.by/ru/embassy/history/a/(недаступная спасылка)
• Пакуш Л. В. http://dossier.bymedia.net/index.php?option=com_apressdb&view=person&id=649 Архівавана 4 лютага 2013.