Любань (возера)

Любань
Морфаметрыя
Вышыня над узроўнем мора	145,5 м
Даўжыня	2,2 км
Шырыня	1,4 км
Плошча	1,83 км²
Аб’ём	0,011 км³
Даўжыня берагавой лініі	5,7 км
Найбольшая глыбіня	11,5 м
Сярэдняя глыбіня	5,5 м
Басейн
Плошча вадазбору	143 км²
Упадаюць	Літкава
Размяшчэнне
Краіна	Беларусь
Рэгіён	Брэсцкая вобласць
Любань
Любань

Лю́бань — возера ў Кобрынскім раёне Брэсцкай вобласці Беларусі. Размешчана ў басейне ракі Мухавец за 30 км у напрамку на паўднёвы ўсход ад горада Кобрын^[1], за 3 (1^[1]) км на паўночны ўсход ад аграгарадка Дзівін.

Плошча возера 1,83 (1,96^[1]) км². Даўжыня возера 2,2 (2,19^[1]) км, найбольшая шырыня 1,4 (1,44^[1]) км. Найбольшая глыбіня 11,5 м, сярэдняя глыбіня 5,5 м. Даўжыня берагавой лініі 5,7 км. Аб’ём вады 10,83 млн м³. Плошча вадазбору складае 143 км². Вадазбор — плоская забалочаная раўніна.

Возера карставага тыпу. Схілы катлавіны на захадзе і ўсходзе спадзістыя, пясчаныя, вышынёй 4—5 м, параслі сасняком, на поўначы і поўдні невыразныя. Берагі нізкія, пясчаныя. У возера ўпадае рака Літкава^[2] і канал. На поўначы каналамі Казацкі і Дзівінскі возера звязана праз сістэму каналаў з Дняпроўска-Бугскім каналам.

На ўсходнім беразе возера размешчаны археалагічныя помнікі: паселішча бронзавага веку і стаянкі эпохі мезаліту і неаліту.

• Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
• Природа Белорусии: Популярная энциклопедия / Редкол.: И. П. Шамякин (гл. ред.) и др. — 2-е изд. — Мн.: БелСЭ им. П. Бровки, 1989. — 599 с. — 40 000 экз. — ISBN 5-85700-001-7. (руск.)

• Общая характеристика озёр Брестской области // Справочник «Водные объекты Республики Беларусь» Архівавана 2 студзеня 2023. (руск.)
• Морфометрические параметры озёр Брестской области // Справочник «Водные объекты Республики Беларусь» Архівавана 17 кастрычніка 2019. (руск.)