Любоў Канстанцінаўна Каспорская

Любоў Канстанцінаўна Каспорская
Дата нараджэння	25 кастрычніка 1941(1941-10-25) (83 гады)
Краіна	СССР  Беларусь
Альма-матар	Беларуская дзяржаўная кансерваторыя імя А. В. Луначарскага (1967)
Месца працы	Нацыянальная дзяржаўная тэлерадыёкампанія Рэспублікі Беларусь Беларуская дзяржаўная кансерваторыя імя А. В. Луначарскага
Музычная дзейнасць
Прафесіі	спявачка, музычны педагог
Узнагароды

Любоў Канстанцінаўна Каспорская (нар. 25 кастрычніка 1941, в. Локці Чэлябінскай вобласці, Расія) — беларуская спявачка (лірыка-каларатурнае сапрана), педагог, заслужаная артыстка Беларускай ССР (1978), народная артыстка Беларускай ССР (1991, апошняе ўзнагароджванне^[1]).

Скончыла Беларускую кансерваторыю (1967, клас М.Людвіг), асістэнтуру-стажыроўку пад кіраўніцтвам Т. Н. Ніжнікавай^[2]. 3 1978 выкладае ў Беларускай акадэміі музыкі. У 1966—1998 гадах салістка акадэмічнага хору Беларускага тэлебачання і радыё. Выканала шматлікія партыі саліруючага сапрана ў буйных кантатна-аратарыяльных творах музычнай класікі і беларускіх кампазітараў. Упершыню выканала вакальныя цыклы «Дзявочыя песні» Галіны Гарэлавай, «Вясёлыя дзіцячыя песні» Сяргея Картэса, «Песні кахання» Андрэя Мдывані, «Перайманне англійскіх балад» і «Незвычайная школа» Эты Тырманд і інш.

Аўтар зборніка вакалізаў (2006)^[2].

• Каспорская Любоў Канстанцінаўна // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 152. — 10 000 экз. — ISBN 985-11-0035-8. — ISBN 985-11-0144-3 (т. 8).