Людміла Іванаўна Златава

Людміла Іванаўна Златава
Дата нараджэння	22 лістапада 1937(1937-11-22)
Месца нараджэння	Чыта, Чыцінская вобласць, РСФСР, СССР
Дата смерці	2023
Грамадзянства	СССР  Беларусь
Адукацыя	Маскоўская дзяржаўная кансерваторыя імя П. І. Чайкоўскага
Прафесія	оперная спявачка
Тэатр	Нацыянальны акадэмічны Вялікі тэатр оперы і балета Рэспублікі Беларусь
Узнагароды

Людміла Іванаўна Златава (22 лістапада 1937, Чыта — 2023^[1]) — беларуская спявачка (лірыка-каларатурнае сапрана). Народная артыстка БССР (1980)^[2].

Пасля заканчэння Маскоўскай кансерваторыі ў 1962 годзе, у 1962—1991^[3] гадах салістка Дзяржаўнага тэатра оперы і балета БССР. У 1991—1993 гадах — дырэктар опернай трупы тэатра^[4].

Свабодна валодае лёгкім, рухомым голасам, арганічна ўжываецца ў характары сваіх гераінь^[2].

Выканала ролі Марфачкі («Алеся» Я. Цікоцкага)^[5], Ірыны, Маці («Калючая ружа» і «Зорка Венера» Ю. Семянякі), Ганначкі («Брэсцкая крэпасць» К. Малчанава  (руск.) (бел.). Сярод партый класічнага рэпертуара: Марфа, Шамаханская царыца («Царская нявеста  (руск.) (бел.» і «Залаты пеўнік  (руск.) (бел.» М. Рымскага-Корсакава), Цэрліна («Дон Жуан» В. А. Моцарта), Разіна («Севільскі цырульнік» Д. Расіні), Нарына («Дон Паскуале  (руск.) (бел.» Г. Даніцэці), Джыльда, Віялета («Рыгалета» і «Травіята» Д. Вердзі), Мімі і Мюзета («Багема  (руск.) (бел.» Д. Пучыні), Маргарыта («Фаўст  (руск.) (бел.» Ш. Гуно), Мікаэла, Лейла («Кармэн» і «Шукальнікі жэмчугу  (руск.) (бел.» Ж. Бізэ)^[2].

Выступала ў канцэртах. Гастралявала ў ВНР, ГДР, ПНР, ЧССР, у Францыі і Егіпце^[2].

• Златава Людміла Іванаўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 335. — 800 с. — 5 000 экз. — ISBN 985-11-0026-9.
• Златава Людміла Іванаўна // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 72. — 10 000 экз. — ISBN 985-11-0035-8. — ISBN 985-11-0130-3 (т. 7).
• Златова Людмила Ивановна // Музыкальная энциклопедия. / Под ред. Ю. В. Келдыша. — М.: Советская энциклопедия, Советский композитор, 1973—1982. (руск.)

• Златава Людміла Іванаўна на сайце анлайн-энцыклапедыі «Беларусь у асобах і падзеях»
• Людмила Златова // КИНО-ТЕАТР.РУ (руск.)