Зорка Венера (опера)

Зорка Венера — опера кампазітара Ю. У. Семянякі, пастаўленая на лібрэта А. Бачылы ў 1970 годзе пад кіраўніцтвам дырыжора Кірыла Ціханава рэжысёрам Сямёнам Штэйнам^[1].

Хормайстар оперы Аляксей Кагадзееў, мастак-пастаноўшчык Яўген Чамадураў, балетмайстар Сямён Дрэчын^[1].

Опера прысвечана класіку беларускай літаратуры Максіму Багдановічу і носіць назву аднаго з яго вершаў. Яна амаль цалкам заснавана на вершах паэта. Кампазітар ўдала выкарыстаў вытокі паэзіі М. Багдановіча, яе глыбокую сувязь з народнымі песнямі і танцамі^[2].

Лейтматывам оперы стаў аднайменны раманс на словы М. Багдановіча на музыку Сымона Рак-Міхайлоўскага. З-за таго, што С. Рак-Міхайлоўскі быў рэпрэсаваны, аўтарства раманса ў даведачнай літаратуры падавалася народным, а пасля выкарыстання музыкі ў оперы аўтарам памылкова лічылі Ю. Семянякі^[3].

• Максім Багдановіч — Аркадзь Маркавіч Саўчанка
• Вераніка — Святлана Піліпаўна Данілюк^[4], Лідзія Іванаўна Галушкіна^[5]
• Пётр — Валерый Ігнатавіч Глушакоў (першы выканаўца)^[6][7], Віктар Лук'янавіч Кірычэнка  (руск.) (бел.
• Маці — Людміла Іванаўна Златава^[8]

• Кулешова Г. Некоторые особенности драматургии опер «Ранак» Г. Вагнера и «Зорка Венера» Ю. Семеняко // Белорусская музыка. Вып. 3. Мн., 1978.