Людміла Іванаўна Ніжэвіч

Людміла Іванаўна Ніжэвіч
Людміла Іванаўна Ніжэвіч
Дэпутат Палаты прадстаўнікоў Нацыянальнага сходу Рэспублікі Беларусь VI і VII скліканняў
	з 11 кастрычніка 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	3 мая 1964 (60 гадоў); Капыль, Капыльскі раён, Мінская вобласць, БССР, СССР;
Партыя	Беларуская аграрная партыя;
Адукацыя	Беларускі гандлёва-эканамічны ўніверсітэт спажывецкай кааперацыі;
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровая грамата Міністэрства сельскай гаспадаркі і харчавання Рэспублікі Беларусь[d]

Людміла Іванаўна Ніжэвіч (у дзявоцтве Марцінкевіч^[1]; нар. 3 мая 1964, Капыль, Мінская вобласць) — беларускі эканаміст і дзяржаўны дзеяч.

Біяграфія

Нарадзілася 3 мая 1964 года ў Капылі. Скончыла сярэднюю школу № 2 Капыля імя Цішкі Гартнага^[1].

Скончыла Гомельскі кааператыўны інстытут, эканаміст.

Працавала бухгалтарам, загадчыкам сектара Капыльскага райпо; эканамістам, галоўным бухгалтарам аддзела культуры Капыльскага райвыканкама; галоўным кантралёрам-рэвізорам кантрольна-рэвізійнага ўпраўлення Міністэрства фінансаў Рэспублікі Беларусь па Капыльскім раёне, намеснікам начальніка аддзела кантролю за бюджэтнымі сродкамі і пазабюджэтнымі фондамі кантрольна-рэвізійнага ўпраўлення Міністэрства фінансаў Рэспублікі Беларусь па Мінскай вобласці; начальнікам аддзела фінансаў АПК фінансавага ўпраўлення, намеснікам старшыні камітэта па сельскай гаспадарцы і харчаванні Мінскага аблвыканкама; загадчыкам сектара галоўнага ўпраўлення эканомікі і фінансаў Упраўлення справамі Прэзідэнта Рэспублікі Беларусь; начальнікам галоўнага ўпраўлення эканомікі і фінансаў Міністэрства сельскай гаспадаркі і харчавання Рэспублікі Беларусь.

Да 13 кастрычніка 2016 года^[2] працавала намеснікам Міністра сельскай гаспадаркі і харчавання Рэспублікі Беларусь.

У 2016—2019 гадах з’яўлялася дэпутатам Палаты прадстаўнікоў Нацыянальнага сходу Рэспублікі Беларусь шостага склікання^[3], была намеснікам старшыні Пастаяннай камісіі па бюджэце і фінансах, уваходзіла ў склад рабочых груп Нацыянальнага сходу Рэспублікі Беларусь па супрацоўніцтве з парламентамі Каралеўства Бельгія, Рэспублікі Кіпр і Рэспублікі Узбекістан.

У 2019 годзе абрана дэпутатам Палаты прадстаўнікоў Нацыянальнага сходу Рэспублікі Беларусь сёмага склікання^[4]. З’яўляецца старшынёй Пастаяннай камісіі па бюджэце і фінансах^[5].

Асабістае жыццё

Замужам, мае дачку.

Узнагароды

медаль «За працоўныя заслугі»,
юбілейны медаль «100 гадоў органам дзяржаўнага ўпраўлення сельскай гаспадаркі і харчавання Беларусі»,
юбілейны медаль «30 гадоў вываду савецкіх войск з Афганістана»,
ганаровая грамата Нацыянальнага сходу Рэспублікі Беларусь,
ганаровыя граматы Міністэрства сельскай гаспадаркі і харчавання Рэспублікі Беларусь, Савета Міністраў Рэспублікі Беларусь,
граматы Капыльскага райвыканкама, Мінскага аблвыканкама,
падзякі фінансавага ўпраўлення Мінскага аблвыканкама, старшыні Мінскага аблвыканкама, Міністра сельскай гаспадаркі і харчавання Рэспублікі Беларусь.