Магілёўліфтмаш

Магілёўліфтмаш
Магілёўліфтмаш
Тып	ААТ
Заснаванне	1966 год
Краіна	Беларусь;
Размяшчэнне	Магілёў, пр. Міру, д. 42
Адрас	Магілёў;
Ключавыя постаці	Руслан Страхар — Генеральны дырэктар
Галіна	машынабудаванне
Прадукцыя	ліфты
Абарот	▼398 мільярдаў рублёў (-6,3%; 2009; 142 мільёны $)
Аперацыйны прыбытак	▲101 млрд руб. (2009; 36 млн $)
Чысты прыбытак	▲99,3 млрд руб (2009; 35,4 млн $)
Матчына кампанія	Міністэрства прамысловасці Рэспублікі Беларусь
Даччыныя кампаніі	«Электрарухавік»
Сайт	www.liftmach.by

ААТ «Магілёўліфтмаш» — прадпрыемства па вытворчасці ліфтоў, заснаванае ў 1966 годзе ў Магілёве^[2]. Вырабляе пасажырскія, катэджныя, бальнічныя і грузавыя ліфты грузападымальнасцю да 6300 кілаграм і хуткасцю да 2 метраў за секунду. Акрамя ліфтоў вырабляе эскалатары і траволаторы, платформы для фізічна аслабленых асоб, будаўнічыя пад’ёмнікі, мульчыроўщыкі, спажывецкія тавары. Мае зборачныя вытворчасці і прадстаўніцтвы ў Казахстане (Паўладар), Расіі (Кстова, Ніжагародская вобласць; Масква; Пецярбург) і Украіне (Вышгарад, Кіеўская вобласць).

З 2014 года ААТ «Магілёўліфтмаш» стала кіруючай кампаніяй холдынгу «Магілёўліфтмаш». У склад холдынгу ўваходзяць наступныя прадпрыемствы: ААТ «Магілёўліфтмаш» (г. Магілёў); ААТ «Магілёўскі завод „Электрарухавік“» (г. Магілёў); ААТ «Зеніт» (г. Магілёў); ААТ «Завод „Ветразь“» (Віцебская вобласць, Докшыцкі раён, г.п. Бягомль).

У 2014 годзе прадпрыемства прадало 11 тысяч ліфтаў, у 2015 — 10 тысяч, у 2016 і 2017 — больш за 12 тысяч. Большасць продажаў, а менавіта 66 %, прыпадае на Расію, 19,2 % — на Беларусь, 7,7 % — ва Украіну, 5,6 — на Казахстан. Астатнія ліфты былі рэалізаваны ў Латвіі, Літве, Азербайджане і іншых краінах (дадзеныя на 2017 год).