Малая Мядзвядка

Малая Мядзвядка
Краіна	Беларусь
Вобласць	Гродзенская
Раён	Карэліцкі
Сельсавет	Мірскі
Каардынаты	53°23′11″ пн. ш. 26°21′41″ у. д.HGЯO
Насельніцтва	▼24 чал. (2019);
Часавы пояс	UTC+3
Тэлефонны код	+375 1596
Паштовыя індэксы	231448
Аўтамабільны код	4
СААТА	4233857051
	Малая Мядзвядка на Вікісховішчы

Мала́я Мядзвя́дка^[1] (трансліт.: Malaja Miadzviadka, руск.: Малая Медвядка) — вёска ў Карэліцкім раёне Гродзенскай вобласці. Уваходзіць у склад Мірскага сельсавета.

Гісторыя

Упершыню згадана пад 1692 годам у інвентары шляхецкага маёнтка пры яго продажу Мікалаем Пратасовічам Тэафілу Рымшу, у інвентары зафіксаваны падзел паміж Вялікай Мядзвядкай і Малой Мядзвядкай, як асобнымі гаспадарчымі адзінкамі. Відавочна, вёскі існавалі значна раней.^[2] У XVII—XVIII стагоддзяў змяніўся шэраг уладальнікаў.

Паводле інвентару 1692 года, Малая Мядзвядка ўключала панскую сядзібу («двор») з жылымі і гаспадарчымі будынкамі (стайня, гумны, пякарня, бровар, сырніца), 20 двароў сялян з 10 валокамі ворнай зямлі (каля 220 га), падданыя валодалі коньмі і валамі для апрацоўкі зямлі, асноўныя заняткі сялян — земляробства, жывёлагадоўля, броварная вытворчасць, рамесніцкая дзейнасць.^[2]

У 1680 годзе ў дакументах адзначана, што дзве асобныя Мядзвядкі належалі да Нясвіжскай пратапопіі. Малая Мядзвядка ўваходзіла ў прыход уніяцкай царквы ў Астраўках.^[2]

У 1784 годзе ў Малой Мядзвядцы 18 хат, 72 мужчын і 50 жанчын.

У 1793 годзе — 19 хат, але 30 мужчын і 20 жанчын.

Уладальнікі Малой Мядзвядкі

XVII ст. — належала роду Пратасовічаў.
1692 — прададзена Тэафілу Рымшу.
1757—1761 — маёнтак пераходзіць да Гіпаліта Корсака.
1769 — куплены Францішкам Яблонскім, што сведчыць пра рост яго значэння.
XVIII ст. — часткі маёнтка здаюцца ў арэнду або закладваюцца Ваяводскім, Бачынскім, Вольскім.

У міжваенны перыяд вёска ў Жухавіцкай гміне^[pl] Стаўбцоўскім павеце Навагрудскага ваяводства Польшчы. У 1921 годзе ў паселішчы 189 жыхароў і 31 будынак. Усе жыхары назвалі сябе палякамі. Па веравызнанні — 188 праваслаўных, 1 рымска-каталік.^[3]

Да 17 лістапада 1948 года вёска ўваходзіла ў склад Жухавіцкага сельсавета^[4], да 16 ліпеня 1954 года — у склад Мядзвядскага сельсавета, да 23 ліпеня 1979 года — у склад Жухавіцкага сельсавета^[5], да 26 снежня 2013 года знаходзілася ў адміністрацыйным падпарадкаванні Мірскага пассавета^[6].