Малая Плотніца

Малая Плотніца
Краіна	Беларусь
Вобласць	Брэсцкая
Раён	Пінскі
Сельсавет	Бабрыкоўскі
Каардынаты	52°28′00″ пн. ш. 26°24′30″ у. д.HGЯO
Вышыня цэнтра	145 м
Насельніцтва	▼230 чал. (2009);
Часавы пояс	UTC+3
Тэлефонны код	+375 165
Паштовы індэкс	225719
Аўтамабільны код	1

Мала́я Пло́тніца^[1] (трансліт.: Malaja Plotnica, руск.: Малая Плотница) — вёска ў Беларусі, у Пінскім раёне Брэсцкай вобласці. Уваходзіць у склад Бабрыкоўскага сельсавета.

Размешчана за 10 км ад аўтадарогі Ганцавічы — Лагішын (Р105) і вёскі Бобрык, за 67 км ад горада Пінск. У вёсцы размяшчаюцца лясніцтва, базавая школа, дом малітвы і крама. На пачатак 1998 года пражывала 313 чалавек, было 139 гаспадарак.

Гісторыя

Вёска з’яўляецца даўняй вотчынай роду Завадскіх.

У 1842—1898 гадах у маёнтку Малая Плотніца дзейнічала Малаплотніцкая шкляная мануфактура. У канцы XIX стагоддзя ўладальнікамі сядзібы з’яўляюцца Аляксандр і Базыль Завадскія, пазней вёска пераходзіць да Атгона Завадскага

У пачатку XX стагоддзя дзейнічаюць народнае вучылішча (настаўнік К. Дыдышка), дзве рамесныя школы для моладзі бліжэйшых населеных пунктаў. Існавала царква.

Перад Вялікай Айчыннай вайной у вёсцы жыло 544 чалавек у 136 дварах^[2].

У маі 1944 года гітлераўцамі быў спалены 131 дом, забіта 11 чалавек^[2].

Славутасці

Страчаная спадчына

Сядзіба Завадскіх.

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ ^а ^б Малая Плотница (руск.)