Малыя Швакшты

Малыя Швакшты
Морфаметрыя
Вышыня над узроўнем мора	175,4[1] м
Даўжыня	2,3 км
Шырыня	1,3 км
Плошча	1,91 км²
Даўжыня берагавой лініі	6,75 км
Басейн
Плошча вадазбору	105 км²
Размяшчэнне
Краіна	Беларусь
Рэгіён	Віцебская вобласць
Малыя Швакшты
Малыя Швакшты

Малыя Швакшты, Малая Швакшта — возера ў Беларусі, у Пастаўскім раёне Віцебскай вобласці. За 22 км на паўднёвы захад ад горада Паставы, каля вёскі Папоўцы, у басейне ракі Страча (выцякае з возера).

Назва балцка-літоўскага паходжання. Звязана з літоўскім švakšnoti «накропваць, імжыць», švakštelėti «лінуць (ваду)», švekštоti «крапіць, акрапляць; пырскаць, апырскваць».

Назва звязаная з павольным рухам вады ў возеры, якое праточнае (уцякае пратока з возера Вялікая Швакшта, выцякае рака Страча).

Плошча 1,91 км². Найбольшая глыбіня 3,2 м. Даўжыня 2,3 км, найбольшая шырыня 1,3 км. Даўжыня берагавой лініі 6,75 км. Аб’ём вады 2,86 млн м³. Плошча вадазбору 105 км².

Схілы катлавіны вышынёй 3—4 м, параслі хмызняком. Берагі нізкія, забалочаныя. Дно выслана сапрапелем, прыбярэжная частка пясчана-галечная. 2 астравы. У летні час вада добра перамешваецца і праграецца. Поўнасцю зарастае (пераважна падводнай расліннасцю).

Упадаюць 3 ручаі. Злучана пратокай з возера Вялікія Швакшты. Маюцца два астравы.

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.