Марына Аляксандраўна Сліўко

Марына Аляксандраўна Сліўко (нар. 30 чэрвеня 1962, г. Ленінград) — беларуская паэтэса.

Нарадзілася 30 чэрвеня 1962 года ў Ленінградзе. Скончыла школу ў Магілёве, атрымала дыплом сацыяльнага педагога ў Магілёўскім дзяржаўным універсітэце імя А. А. Куляшова. Большая частка яе працоўнай дзейнасці была звязана з РУП «Магілёўскае аддзяленне Беларускай чыгункі». Ветэран Магілёўскай дыстанцыі сігналізацыі і сувязі.

Кіруе літаратурным аб`яднаннем «Магістраль» пры Культурна-спартыўным цэнтры Магілёўскага аддзялення Беларускай чыгункі. Там жа ўсе гады яна — актрыса народнага тэатра «Золак».

Член Магілёўскага абласнога аддзялення праўладнага Саюза пісьменнікаў Беларусі^[1].

Першы вершаваны зборнік «Зорныя Арэлі» спалучыў у сабе і касмічныя фантазіі, і лірыку, і філасофскія думкі, і нават цыкл дзіцячых вершаў. Гэта своеасаблівы экскурс па таямніцам чалавечых мараў.

• «Зорныя Арэлі» (Магілёў, 2010)
• «Пилигримы Вселенной» (2013)
• «НЕреальность» (2018)