Марына Дзмітрыеўна Троіцкая

Марына Дзмітрыеўна Троіцкая
Дата нараджэння	22 снежня 1913(1913-12-22)[1]
Месца нараджэння	Мінск, Мінскі павет, Мінская губерня, Расійская імперыя[1]
Дата смерці	1990[1]
Грамадзянства	Расійская імперыя  СССР
Прафесія	тэатральная актрыса, радыёрэжысёр
Тэатр	Нацыянальны акадэмічны тэатр імя Янкі Купалы Першы Нацыянальны канал Беларускага радыё
Узнагароды

Марына Дзмітрыеўна Тро́іцкая^[2] (22 снежня 1913(1913-12-22)^[1], Мінск^[1] — 1990^[1]) — беларуская савецкая актрыса тэатра і рэжысёр радыё, Заслужаны дзеяч культуры Беларускай ССР (1971^[2]).

Нарадзілася 22 снежня 1913 года ў Мінску.

У 1931 годзе скончыла драматычныя курсы пры Беларускім тэхнікуме сцэнічнага мастацтва ў Мінску. З 1931 года працавала ў Вандроўным тэатры імя Ф. Э. Дзяржынскага. У 1932—1949 гадах — актрыса Беларускага тэатра імя Янкі Купалы.

З 1949 года М. Д. Троіцкая на Беларускім радыё. Працавала ў якасці тонмайстра ў 1949—1957 гадах, рэжысёра літаратурна-драматычнага вяшчання ў 1957—1963 гадах, галоўнага рэжысёра ў 1964—1974 гадах.

Памерла ў 1990 годзе.

На Беларускім радыё М. Д. Троіцкая паставіла больш за 30^[2] радыёпастановак, сярод якіх радыёспектаклі па творах беларускіх пісьменнікаў: «Зорка Венера» Б. Бур’яна і І. Нісневіча (1960), «Збянтэжаны Саўка» Л. Родзевіча і «Вераснёвыя ночы» К. Чорнага (1963), «Навальніца над полем» («Людзі на балоце») І. Мележа і «Бацькаўшчына» К. Чорнага (1966), «Сэрца на далоні» І. Шамякіна (1967), «Вяртанне ў маладосць» («Гарадок Устронь», «На парозе будучыні») М. Лобана (1968), «Круты бераг ракі» В. Быкава (1973), «Новая зямля» па паэме Я. Коласа (1976) і іншыя. Аўтар запісаў майстроў беларускай сцэны, літаратурных і музычных кампазіцый, радыёвіктарын, радыёчасопісаў, буйных і малых радыёпастановачных форм.

• Усцінава А. В. Тро́іцкая Марына Дзмітрыеўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 527. — 10 000 экз. — ISBN 985-11-0035-8. — ISBN 985-11-0251-2 (т. 15).
• Республика Беларусь: Энциклопедия в 7 т. Т. 7: Снегирь ― Ящерицын / редкол.: Г. П. Пашков и др. — Минск: БелЭн, 2008. — 744 с.: ил. — ISBN 978-985-11-0421-1.  — С. 267.
• Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — С. 416. — 571 с. — 4 000 экз. — ISBN 985-11-0259-8.

• Беларусь у асобах і падзеях: Троіцкая Марына Дзмітрыеўна // Нацыянальны цэнтр інтэлектуальнай уласнасці