Маскіт (БПЛА)

«Маскіт» — беларускі беспілотны лятальны апарат, распрацаваны Навукова-вытворчым цэнтрам шматфункцыянальных беспілотных комплексаў НАН РБ, кампаніяй «Hydromania» і Ваеннай акадэміяй.

У 2008 годзе Юрый Яцына, будучы дырэктар Навукова-вытворчага цэнтра шматфункцыянальных беспілотных комплексаў, разам з трыма аднадумцамі прапанаваў кіраўніцтву Нацыянальнай акадэміі навук Беларусі пачаць распрацоўку праекта беспілотніка. Праз усяго год сумеснай работы са спецыялістамі Ваеннай акадэміі з’явіўся першы лятаючы ўзор — «Стрыж». Спецыялісты паказалі напрацоўкі прэзідэнту Беларусі Аляксандру Лукашэнка. Пасля сустрэчы кіраўнік дзяржавы пастанавіў акадэміі навук вылучыць сродкі на рэалізацыю першага праекта^[2].

Летам 2009 года ў неба пад Мінскам прайшоў першы палёт «Стрыжа». Пры выпрабаваннях былі выяўлены сур’ёзныя недахопы, якія запатрабавалі перапрацоўкі дрона. Пасля паўстаў праект «Маскіт»^[2]. Да работы далучылася кампанія «Hydromania», якая ўдзельнічала ў праектаванні канструкцыі, вырабе і зборкі выраба^[3].

Маса корпуса планёра — 0,5 кг, усяго апарата — 2,47 кг, маса карыснай нагрузкі — 0,35 кг, час палёту — 45 хвілін, тактычны радыус — 12,5 км, максімальная хуткасць — 120 км/г, максімальная вышыня — 3 км^[3].

•  Беларусь
  • Узброеныя сілы
    • 927-ы цэнтр падрыхтоўкі і ўжывання беспілотных авіяцыйных комплексаў^[4]

• ТГМ 3Т «Маскіт»